യുപിയിൽ 15 വയസ്സുകാരിയെ 5 പേർ ചേർന്ന് കൂട്ടബലാത്സംഗം ചെയ്തു

അലിഗഢിൽ 15 വയസുകാരിയെ അഞ്ച് പേർ ചേർന്ന് കൂട്ടബലാത്സംഗം ചെയ്തതായി പോലീസ് അറിയിച്ചു. “മാർച്ച് 3 ന് തന്നെ കൂട്ടബലാത്സംഗം ചെയ്തെന്ന് ആരോപിച്ച് 15 വയസ്സുള്ള ഒരു പെൺകുട്ടി തന്റെ ഗ്രാമത്തിലെ അഞ്ച് പേർക്കെതിരെ മാർച്ച് 4 ന് പരാതി നൽകി. പെൺകുട്ടിയുടെ പരാതി കേട്ട്, വൈദ്യപരിശോധനയ്ക്കായി ഉടൻ ആശുപത്രിയിലേക്ക് അയച്ചു. പ്രതികൾക്കെതിരെ ബന്ധപ്പെട്ട വകുപ്പുകൾ പ്രകാരം കേസെടുത്തു.”- സംഭവത്തെക്കുറിച്ച് അറിയിച്ച അലിഗഡ് എസ്പി സിറ്റി കുൽദീപ് സിംഗ് ഗുണവത്ത് പറഞ്ഞു,

അന്വേഷണത്തിനായി ഒരു സംഘം രൂപീകരിച്ചിട്ടുണ്ടെന്നും പ്രതികളെ പിടികൂടാനുള്ള ശ്രമങ്ങൾ തുടരുകയാണെന്നും എസ്പി പറഞ്ഞു. അതേസമയം, നേരത്തെ മാർച്ച് 3 ന് ഉത്തർപ്രദേശിലെ ബല്ലിയ ജില്ലയിൽ 14 വയസുകാരിയെ കൂട്ടബലാത്സംഗം ചെയ്തതിന് മൂന്ന് യുവാക്കളെ അറസ്റ്റ് ചെയ്തതായി പോലീസ് വെള്ളിയാഴ്ച അറിയിച്ചു. ബുധനാഴ്ച രാത്രിയാണ് സംഭവം നടന്നതെന്ന് ഉദ്യോഗസ്ഥർ പറഞ്ഞു. ഇര മാതാവിന്റെ വീട്ടിലേക്ക് പോയിരുന്നുവെന്നും വീട്ടിലേക്ക് പോകുന്നതിനിടെ മൂന്ന് പ്രതികൾ പെൺകുട്ടിയെ തടഞ്ഞുനിർത്തിയെന്നും അവർ പറഞ്ഞു.

ആളൊഴിഞ്ഞ പ്രദേശത്ത് ഒറ്റയ്ക്ക് പെൺകുട്ടിയെ കണ്ടപ്പോൾ, പ്രതികളായ മൂവരും പെൺകുട്ടിയെ വീട്ടിൽ വിടാൻ വാഗ്ദാനം ചെയ്തു. വിസമ്മതിച്ചപ്പോൾ, പ്രതി ബലമായി ഒറ്റപ്പെട്ട സ്ഥലത്തേക്ക് കൊണ്ടുപോയി ബലാത്സംഗം ചെയ്യുകയായിരുന്നുവെന്ന് പെൺകുട്ടിയുടെ വീട്ടുകാർ പോലീസിനോട് പറഞ്ഞു.

ഇതിനെല്ലാം പുറമെ,, ഫെബ്രുവരി 20 ന്, മണിക്കൂറുകളോളം കാണാതായ പ്രായപൂർത്തിയാകാത്ത പെൺകുട്ടിയുടെ മൃതദേഹം ഉത്തർപ്രദേശിലെ ബസ്തിയിലെ ഭുവാനി ഗ്രാമത്തിലെ ചതുപ്പിൽ നിന്ന് ഞായറാഴ്ച കണ്ടെത്തിയതായി അധികൃതർ അറിയിച്ചു. ശനിയാഴ്‌ച രാത്രി ഒരു വിവാഹ ചടങ്ങിൽ പങ്കെടുത്ത പൂർവി (8) അന്നുമുതൽ കാണാതായെന്നും പിന്നീട് മൃതദേഹം കണ്ടെടുത്തതായും നാട്ടുകാർ പറഞ്ഞു. കുടുംബാംഗങ്ങളുടെ പരാതിയുടെ അടിസ്ഥാനത്തിൽ പ്രതികൾക്കെതിരെ കേസെടുത്തു. സ്ഥലത്ത് പോലീസ് സേനയെ വിന്യസിച്ചിട്ടുണ്ടെന്നും എഎസ്പി കൂട്ടിച്ചേർത്തു.