15 ആം നൂറ്റാണ്ടിലെ വിഷ്ണുവിഗ്രഹം തമിഴ്‌നാട്ടിൽ കാറിൽ നിന്നും പിടിച്ചെടുത്തു; 7 പേർ അറസ്റ്റിൽ
15 നൂറ്റാണ്ടിലെ വിഷ്ണുവിഗ്രഹം തമിഴ്‌നാട് പോലീസിൻ്റെ ഐഡൽ വിംഗ് ശനിയാഴ്ച പിടിച്ചെടുക്കുകയും കേസിൽ ഏഴ് പേരെ അറസ്റ്റ് ചെയ്യുകയും ചെയ്തു. ഒരു സൂചനയെ തുടർന്ന് തഞ്ചാവൂർ-തിരിച്ചിരപ്പള്ളി ദേശീയപാതയിൽ മേലത്തിരുവിഴപ്പട്ടിയിൽ വെച്ച് കാർ തടഞ്ഞുനിർത്തി രണ്ടരയടി വിഷ്ണുവിഗ്രഹം കണ്ടെടുത്തതായി പോലീസ് പറഞ്ഞു.
ചോദ്യം ചെയ്യലിൽ, നിലം കുഴിക്കുന്നതിനിടെ പിതാവ് വിഗ്രഹം കണ്ടെത്തിയതായി പ്രതികളിലൊരാളായ എ.ദിനേഷ് പോലീസിനെ അറിയിച്ചു. തൻ്റെ പിതാവ് വിഗ്രഹം തങ്ങളുടെ കുടുംബത്തിലെ കന്നുകാലി തൊഴുത്തിൽ ഒളിപ്പിച്ചിരിക്കുകയായിരുന്നുവെന്ന് ദിനേഷ് കുറ്റസമ്മതം നടത്തി.
“അച്ഛൻ്റെ മരണശേഷം വിഗ്രഹം വിൽക്കാൻ താൻ (ദിനേഷ്) തീരുമാനിച്ചു. താനും മറ്റ് ആറ് കൂട്ടാളികളും ചേർന്ന് വിഗ്രഹം 2 കോടി രൂപയ്ക്ക് വിൽക്കാൻ തീരുമാനിച്ചു , ” ഒരു ഉദ്യോഗസ്ഥൻ പറഞ്ഞു. എന്നാൽ വിശദമായ അന്വേഷണത്തിൽ വിഗ്രഹത്തിൻ്റെ കൃത്യമായ രേഖകളൊന്നും ദിനേശിൻ്റെ പക്കൽ ഇല്ലെന്ന് പോലീസ് കണ്ടെത്തി.
ദിനേശനെയും കൂട്ടാളികളെയും പോലീസ് അറസ്റ്റ് ചെയ്യുകയും കുംഭകോണം കോടതി ജുഡീഷ്യൽ കസ്റ്റഡിയിൽ റിമാൻഡ് ചെയ്യുകയും ചെയ്തു. വിഗ്രഹം 15-ാം നൂറ്റാണ്ടിലോ പതിനാറാം നൂറ്റാണ്ടിലോ ഉള്ളതാണെന്ന് പ്രാഥമിക അന്വേഷണത്തിൽ കണ്ടെത്തിയതായി ഒരു ഉദ്യോഗസ്ഥൻ പറഞ്ഞു. ഏതെങ്കിലും ക്ഷേത്രത്തിൽ നിന്ന് വിഗ്രഹം മോഷ്ടിക്കപ്പെട്ടതാകാം എന്ന് മുതിർന്ന പോലീസ് ഉദ്യോഗസ്ഥൻ ഐഎഎൻഎസിനോട് പറഞ്ഞു.
വിഗ്രഹം മോഷണം പോയ ക്ഷേത്രത്തിൻ്റെ വിശദാംശങ്ങളും ഞങ്ങൾ അന്വേഷിക്കുന്നുണ്ടെന്ന് പോലീസ് ഉദ്യോഗസ്ഥർ പറഞ്ഞു. അതേസമയം ,സംസ്ഥാനത്തും മറ്റ് ദക്ഷിണേന്ത്യൻ സംസ്ഥാനങ്ങളിലും നടക്കുന്ന ക്ഷേത്ര മോഷണങ്ങൾ തടയാൻ തമിഴ്‌നാട് വിഗ്രഹ വിഭാഗം രൂപീകരിച്ചു.
