അറ്റകുറ്റപ്പണിക്കിടെ നാവികസേനയുടെ കപ്പലിന് തീപിടിച്ചു
ഞായറാഴ്ച വൈകുന്നേരത്തോടെ മുംബൈയിലെ നേവൽ ഡോക്ക്‌യാർഡിൽ പുനർനിർമ്മാണം നടത്തിക്കൊണ്ടിരിക്കുന്ന ഇന്ത്യൻ നാവികസേനയുടെ കപ്പലിൽ തീപിടിത്തമുണ്ടായതായി അധികൃതർ പറഞ്ഞു. തീപിടിത്തത്തിൽ ആളപായമില്ല, കാരണം അറിവായിട്ടില്ല, സംഭവത്തെക്കുറിച്ച് അന്വേഷണത്തിന് ഉത്തരവിട്ടിട്ടുണ്ട്.
കപ്പലിൽ പതിവ് അറ്റകുറ്റപ്പണികൾ നടത്തുന്നതിനിടെ കപ്പലിൻ്റെ ഡ്യൂട്ടി ജീവനക്കാരാണ് തീപിടിത്തം കണ്ടെത്തിയതെന്ന് ഔദ്യോഗിക വക്താവ് പറഞ്ഞു. കപ്പലിൻ്റെ അഗ്നിശമന സംഘം ഉടൻ തന്നെ തീപിടിത്തം നിയന്ത്രിക്കാൻ ഓപ്പറേഷൻ ആരംഭിക്കുകയും നേവൽ ഡോക്ക്‌യാർഡ് അഗ്നിശമന സേനയിൽ നിന്നും സമീപത്തുള്ള മറ്റ് യൂണിറ്റുകളിൽ നിന്നും ടീമുകൾ എത്തുകയും ചെയ്തു. തീ പിന്നീട് നിയന്ത്രണവിധേയമാക്കിയെന്നും ആളപായമൊന്നും റിപ്പോർട്ട് ചെയ്തിട്ടില്ലെന്നും കപ്പലിന് സംഭവിച്ച നാശനഷ്ടങ്ങളുടെ വ്യാപ്തി അറിവായിട്ടില്ലെന്നും സംഭവത്തെക്കുറിച്ച് ഇന്ത്യൻ നാവികസേന അന്വേഷണത്തിന് ഉത്തരവിട്ടിട്ടുണ്ടെന്നും ഉദ്യോഗസ്ഥർ പറഞ്ഞു.
