അൻവർ ഡിഎംകെ മുന്നണിയിലേക്ക്; മലപ്പുറത്തെ എൻസിപി പ്രാദേശിക നേതാക്കൾ പി വി അൻവറിന്‍റെ പുതിയ പാർട്ടിയിലേക്ക്

മലപ്പുറം ജില്ലയിലെ മഞ്ചേരിയിൽ പുതിയ രാഷ്ട്രീയ പാർട്ടി രൂപീകരണം പ്രഖ്യാപിക്കാനിരിക്കെ പിവി അൻവറിനൊപ്പം ചേർന്ന് പ്രവർത്തിക്കാൻ മറ്റ് പാർട്ടികളിൽ നിന്നും പ്രവർത്തകരെത്തുന്നു. ജില്ലയിലെ എൻ.സി.പി പ്രാദേശിക നേതാക്കൾ പാർട്ടിയിൽ നിന്നും രാജി വെച്ച് പി.വി. അൻവറിന്റെ പുതിയ പാർട്ടിയിലേക്ക് ചേരുമെന്ന് ഇന്ന് പ്രഖ്യാപിച്ചു.

പാർട്ടിയുടെ യുവജന വിഭാഗം മുൻ ജില്ലാ പ്രസിഡണ്ട് ഷുഹൈബ് എടവണ്ണ, എറനാട് നിയോജക മണ്ഡലം പ്രസിഡണ്ട് പുതിയത്ത് ഇഖ് ലാസ്, സെക്രട്ടറിമാരായ ഷഹാലുദ്ദീൻ ചെറ്റിശേരി, സജീർ പി.ടി എന്നിവർ അൻവറിനൊപ്പം ചേരുന്നതിനായി ഇന്ന് എൻസിപിയിൽ നിന്ന് രാജിവച്ചു.

അതേസമയം, പി.വി അൻവർ ഡിഎംകെ മുന്നണിയിലേക്കെന്ന് സൂചന വന്നു . ഇതിന്റെ ഭാഗമായി ചെന്നൈയിലെത്തി ഡിഎംകെ നേതാക്കളുമായി അൻവർ ചർച്ച നടത്തി. കൂടിക്കാഴ്ചയുടെ ചിത്രങ്ങളും പുറത്ത് വന്നു.