ലോക്സഭാ തിരഞ്ഞെടുപ്പിലെ രണ്ടാംഘട്ട വോട്ടെടുപ്പ് :മണിപ്പുര് മണ്ഡലത്തില് 40 ശതമാനം പോളിങ്
ലോക്സഭാ തിരഞ്ഞെടുപ്പിലെ രണ്ടാംഘട്ട വോട്ടെടുപ്പു നടക്കുന്ന വടക്കു കിഴക്കന് സംസ്ഥാനങ്ങളിലെ ആറു മണ്ഡലങ്ങളില് സാമാന്യം ഭേദപ്പെട്ട പോളിങ്. കനത്ത സുരക്ഷയില് പോളിങ് നടക്കുന്ന മണിപ്പുരിലെ ഔട്ടര് മണിപ്പുര് മണ്ഡലത്തില് മാത്രം ഉച്ചവരെ 40 ശതമാനം പേര് ചെയ്തു . ഗിരിപ്രദേശങ്ങളായ സേനാപതി, ചാന്ധല് , തമെങ്ലോങ്, ചര്ചന്ദന്പുര് തുടങ്ങിയ ജില്ലകളിലെല്ലാം രാവിലെ ഏഴ് മണി മുതല് തന്നെ നല്ല തിരക്കാണ് അനുഭവപ്പെടുന്നത്.
അരുണാചലിലെ അരുണാചല് വെസ്റ്റ്, അരുണാചല് ഈസ്റ്റ്, മേഘാലയയിലെ ഷില്ലോങ്, നാഗാന്ഡിലെ ഏക സീറ്റായ നാഗാലന്ഡ് എന്നിവിടങ്ങളിലും ഭേദപ്പെട്ട വോട്ടിങ്ങാണ് നടക്കുന്ന്. ആദ്യ മൂന്ന് മണിക്കൂറില് മാത്രം ഈ സീറ്റുകളിലെല്ലാം കൂടി ശരാശരി 20 ശതമാനം പേര് വോട്ട് രേഖപ്പെടുത്തി.
ഇതിനിടെ അരുണാചല് പ്രദേശില് ഇലക്ട്രോണിക് വോട്ടിങ് യന്ത്രത്തിലെ തകരാറു കാരണം വോട്ടിങ് ഇടയ്ക്ക് തടസ്സപ്പെട്ടു. വിവിധ ബൂത്തുകളിലായി പതിനാറ് യന്ത്രങ്ങള് മാറ്റിയാണ് പോളിങ് പുനരാരംഭിച്ചത്.
ഈ മണ്ഡലങ്ങളോടൊപ്പം വോട്ടെടുപ്പ് നടക്കേണ്ടിയിരുന്ന മിസോറമിലെ ഏക സീറ്റിലെ തിരഞ്ഞെടുപ്പ് 72 മണിക്കൂര് ബന്ദിനെ തുടര്ന്ന് ഏപ്രില് പതിനൊന്നിലേയ്ക്ക് മാറ്റിവച്ചിരിക്കുകയാണ്