കോഴിവ്യാപാരികളുടെ അഹങ്കാരം അനുവദിക്കില്ല, ഇറച്ചിക്കോഴിയുടെ ഉത്പാദനം കൂട്ടാൻ കുടുംബശ്രീയുടെ സഹകരണം തേടുമെന്നും ധനമന്ത്രി
തിരുവനന്തപുരം: ജി.എസ്.ടിയുടെ പേരില്‍ വിലകൂട്ടാന്‍ അനുവദിക്കില്ലെന്നും എംആര്‍പിക്കു മുകളില്‍ വില ഈടാക്കിയാല്‍ കര്‍ശന നടപടികള്‍ സ്വീകരിക്കുമെന്നും ധനമന്ത്രി തോമസ് ഐസക്. കോഴി ഇറച്ചിക്ക് വിലകുറയുമെന്നും തിങ്കളാഴ്ച്ചയോടെ സംസ്ഥാനത്തു 87 രൂപയ്ക്ക് കോഴിയിറച്ചി ലഭ്യമാവുമെന്നും മന്ത്രി നേരെത്തെ പറഞ്ഞിരുന്നു. മാത്രമല്ല ഇതിനായി കേരളത്തിൽ ഇറച്ചിക്കോഴിയുടെ ഉത്പാദനം കൂട്ടണമെന്നും, ഉത്പാദനം കൂട്ടാൻ കുടുംബശ്രീ യൂണിറ്റുകളുടെ സഹകരണം തേടുമെന്നും അദ്ദേഹം പറഞ്ഞു.
കോഴിവ്യാപാരികളുടെ അഹങ്കാരം അനുവദിക്കില്ലെന്നും കോഴി കുഞ്ഞുങ്ങളെയും അവയുടെ തീറ്റയും സർക്കാർ നൽകുമെന്നും ഐസക്ക് കൂട്ടിച്ചേർത്തു. വില കുറയ്ക്കാനാകില്ലെന്ന് കോഴിവ്യാപാരികൾ നിലപാടെടുത്ത സാഹചര്യത്തിലായിരുന്നു ധനമന്ത്രിയുടെ പ്രഖ്യാപനം.
