കേരളത്തിന്റെ ആദ്യ ഫുട്ബോൾ ലോകകപ്പ് മത്സരത്തിൽ സ്പെയിനിനെതിരെ ബ്രസീലിനു ജയം
7 October 2017
ലോകം കാത്തിരുന്ന അണ്ടർ 17 ലോകകപ്പ് ക്ലാസിക് പോരാട്ടത്തിൽ സ്പെയിനെതിരെ ബ്രസീലിനു വിജയം. ഒന്നിനെതിരെ രണ്ടു ഗോളുകൾക്കാണ് ബ്രസീൽ ജയിച്ചത്. ആദ്യ പകുതിയിൽത്തന്നെ ബ്രസീൽ മുന്നിലെത്തിയിരുന്നു.
മൽസരത്തിന്റെ അഞ്ചാം മിനിറ്റിൽ സെൽഫ് ഗോളിലൂടെ പിന്നിലായിപ്പോയശേഷം രണ്ടെണ്ണം തിരിച്ചടിച്ചാണ് ബ്രസീൽ ലീഡെടുത്തത്. 25–ാം മിനിറ്റിൽ ഒൻപതാം നമ്പർ താരം ലിങ്കനും ആദ്യ പകുതിയുടെ അധികസമയത്ത് ഏഴാം നമ്പർ താരം പൗളീഞ്ഞോയുമാണ് ബ്രസീലിന്റെ ഗോളുകൾ നേടിയത്.