സംഘ പ്രവർത്തകരെ അപമാനിക്കുന്നു; മിന്നൽ മുരളി നിരോധിക്കണം; ഫസ്റ്റ് ലുക്ക് പോസ്റ്ററിനെതിരെ സൈബർ ആക്രമണം
![single-img](https://www.evartha.in/archive/wp-content/themes/nextline_evartha_v2/images/footer_logo.png)
26 August 2020
![](https://www.evartha.in/wp-content/uploads/2020/08/minnal-murali-1.jpg)
ആലുവാ മണപ്പുറത്തെ ക്രിസ്ത്യൻ സെറ്റ് തകര്ത്തതുമായി ബന്ധപ്പെട്ട വളരെയേറെ വിവാദങ്ങള്ക്ക് ശേഷം കഴിഞ്ഞ ദിവസംപുറത്തിറങ്ങിയ മിന്നല് മുരളി സിനിമയുടെ ഫസ്റ്റ് ലുക്ക് പോസ്റ്ററിനെതിരെ സംഘപരിവാറിന്റെ സൈബര് ആക്രമണം.
ടോവിനോ തോമസ് നായകനായി ബേസില് ജോസഫിന്റെ സംവിധാനത്തിൽ പുറത്തിറങ്ങുന്ന ഈ സിനിമ നിരോധിക്കണമെന്ന് സംഘപരിവാര് കേന്ദ്രങ്ങള് സോഷ്യൽ മീഡിയയിൽ പ്രചാരണം നടത്തുകയാണ്. തീയിൽ നിന്നും രക്ഷപെടാൻ ഓടി മറയുന്ന ടോവിനോയാണ് ഫസ്റ്റ് ലുക്ക് പോസ്റ്ററിലുള്ളത്. ശബരിമല വിഷയത്തിൽ പോലീസിൽ നിന്നും രക്ഷപെടാൻ ഓടുന്ന സംഘപരിവാർ പ്രവർത്തകനോടുള്ള സാമ്യമാണ് സോഷ്യൽ മീഡിയയിൽ വിമർശന കാരണമായത്.