അർജുൻ മലയാളികളുടെ മനസിൽ ജീവിക്കും: മഞ്ജു വാര്യർ

ഷിരൂരിൽ മണ്ണിടിച്ചിലിൽ കാണാതായി മരണപ്പെട്ട അർജുൻ മലയാളികളുടെ മനസിൽ ജീവിക്കുമെന്ന് നടി മഞ്ജു വാര്യർ. മരിച്ചുവെന്നത് വേദനിപ്പിക്കുന്നതാണെങ്കിലും അർജുന്റെ മൃതദേഹം തിരികെ കിട്ടിയല്ലോ. ഒരു പിടി ചാരമാകാനെങ്കിലും ഒരോർമ. മഞ്ജു വാര്യർ സോഷ്യൽ മീഡിയയിൽ എഴുതി .

അതേസമയം, കാണാതായി 71 ദിവസത്തിന് ശേഷമാണ് അ‍ർജുന്റെ മൃതദേഹം ഇന്ന് കണ്ടെത്തിയത്. ഡ്രഡ്ജർ ഉപയോ​ഗിച്ച് പുറത്തെടുത്ത ട്രക്കിനുള്ളിൽ അർജുന്റെ മൃതദേഹവും കണ്ടെത്തുകയായിരുന്നു. ലോറിയുടെ ക്യാബിനുള്ളിലായിരുന്ന മൃതദേഹം പുറത്തെടുത്ത് ബോട്ടിലേക്ക് മാറ്റി.