മലയാള സിനിമയിൽ ഏറ്റവും അധികം ബോക്സ്ഓഫീസ് ഗ്യാരന്റിയുള്ള നടനായി ആസിഫ് അലി മാറി: അനൂപ് മേനോൻ

ആസിഫ് അലി നായകനായ ‘കിഷ്കിന്ധാ കാണ്ഡം’ എന്ന ഏറ്റവും പുതിയ സിനിമയെ പ്രശംസിച്ച് നടനും തിരക്കഥാകൃത്തുമായ അനൂപ് മേനോൻ. തിരക്കഥ, സംവിധാനം, ഛായാഗ്രഹണം എന്നിങ്ങനെ എല്ലാ മേഖലകളിലും മികവ് പുലർത്തിയ സിനിമയാണ് കിഷ്കിന്ധാ കാണ്ഡമെന്നും ഈ സിനിമയിലൂടെ ഏറ്റവും അധികം ബോക്സ്ഓഫീസ് ഗ്യാരന്റിയുള്ള നടനായി ആസിഫ് അലി മാറിയതായും അനൂപ് മേനോൻ പറഞ്ഞു.

ചിത്രത്തിലെ മറ്റു കഥാപാത്രങ്ങളെ അവതരിപ്പിച്ച അപർണ ബാലമുരളി, വിജയരാഘവൻ, അശോകൻ, ജഗദിഷ് തുടങ്ങിയവരുടെ പ്രകടനങ്ങളെയും അദ്ദേഹം പ്രശംസിച്ചു. എല്ലാ സ്ഥലങ്ങളിലും മിഴിവോടെ എഴുതിയ ഒരു സിനിമ. ഏറ്റവും മികച്ച സിനിമ. പരസ്പരം മത്സരിക്കുന്ന തിരക്കഥയും സംവിധാനവും ഛായാഗ്രഹണവും. ബാഹുലിനും ദിൻജിത്തിനും മലയാള സിനിമയുടെ ഭാവിയിലേക്ക് സ്വാഗതം.. ഒപ്പം പ്രിയപ്പെട്ട ആസിഫ്, ലെവൽ ക്രോസിനും തലവനും അഡിയോസ് അമിഗോയ്ക്കും കിഷ്‌കിന്ധാകാണ്ഡത്തിനും ശേഷം ഇന്ന് നമുക്കുള്ളതിൽ വെച്ച് ഏറ്റവും ബാങ്കബിളായ നടൻ എന്ന നിലയിൽ നിങ്ങൾ സ്ഥാനം ഉറപ്പിച്ചിരിക്കുന്നു.

വിജയരാഘവൻ ചേട്ടൻ ഒരു കഥാപാത്രത്തിന്റെ സൂക്ഷ്മതകൾ അസൂയാവഹമായാണ് ചെയ്തിരിക്കുന്നത്. അപർണ കഥാപാത്രത്തെ ഭംഗിയായി അവതരിപ്പിച്ചിട്ടുണ്ട്. ജഗദീഷേട്ടനും അശോകേട്ടനും മികവ് പുലർത്തി. അവസാനമായി, ജോബി അണ്ണാ എങ്ങനെയാണ് എല്ലാ തവണയും സ്വർണ്ണം തന്നെ അടിക്കാൻ കഴിയുന്നത്?’ – അനൂപ് മേനോൻ സോഷ്യൽ മീഡിയയിൽ എഴുതി.