മോദിയെക്കുറിച്ചുള്ള ബിബിസി ഡോക്യുമെന്ററി; ട്വീറ്റുകളും യൂട്യൂബ് വീഡിയോകളും തടയാൻ കേന്ദ്രം ഉത്തരവിട്ടു

ഗുജറാത്ത് കലാപവുമായി ബന്ധപ്പെട്ട പ്രധാനമന്ത്രി നരേന്ദ്ര മോദിയുടെ ബിബിസി ഡോക്യുമെന്ററിയുടെ ആദ്യ എപ്പിസോഡ് പ്രസിദ്ധീകരിച്ച യുട്യൂബ് വീഡിയോകൾ ബ്ലോക്ക് ചെയ്യാൻ കേന്ദ്രം ഉത്തരവിട്ടു. ആ യുട്യൂബ് വീഡിയോകളിലേക്കുള്ള ലിങ്കുകൾ അടങ്ങിയ 50-ലധികം ട്വീറ്റുകൾ തടയാൻ ട്വിറ്ററിനോട് ആവശ്യപ്പെട്ടിട്ടുണ്ടെന്ന് വൃത്തങ്ങൾ അറിയിച്ചു.

ഈ ഡോക്യുമെന്ററി വിവാദമായതോടെ കേന്ദ്ര ആഭ്യന്തര മന്ത്രിയുടെയും വിദേശകാര്യ മന്ത്രാലയത്തിലെയും വാർത്താവിതരണ പ്രക്ഷേപണ മന്ത്രാലയത്തിലെയും മുതിർന്ന ഉദ്യോഗസ്ഥർ ഡോക്യുമെന്ററി പരിശോധിച്ച് ഇന്ത്യയുടെ സുപ്രീം കോടതിയുടെ വിശ്വാസ്യത അപകീർത്തിപ്പെടുത്താനുള്ള ശ്രമമാണെന്ന് കണ്ടെത്തിയിരുന്നു.

“ഡോക്യുമെന്ററി ഇന്ത്യയുടെ പരമാധികാരത്തെയും അഖണ്ഡതയെയും തുരങ്കം വയ്ക്കുന്നതായും വിദേശരാജ്യങ്ങളുമായുള്ള ഇന്ത്യയുടെ സൗഹൃദബന്ധത്തെയും രാജ്യത്തിനകത്ത് പൊതു ക്രമത്തെയും പ്രതികൂലമായി ബാധിക്കാൻ സാധ്യതയുള്ളതായും കണ്ടെത്തി,” വൃത്തങ്ങൾ പറഞ്ഞു.

2021ലെ ഐടി ചട്ടങ്ങൾക്ക് കീഴിലാണ് ഇൻഫർമേഷൻ ആൻഡ് ബ്രോഡ്കാസ്റ്റിംഗ് മന്ത്രാലയം യുട്യൂബിനും ട്വിറ്ററിനും നിർദ്ദേശങ്ങൾ നൽകിയത്. യൂട്യൂബും ട്വിറ്ററും നിർദ്ദേശങ്ങൾ പാലിച്ചതായി വൃത്തങ്ങൾ പറയുന്നു.

“യുകെയിലെ പബ്ലിക് ബ്രോഡ്കാസ്റ്ററായ ബ്രിട്ടീഷ് ബ്രോഡ്കാസ്റ്റിംഗ് കോർപ്പറേഷൻ നിർമ്മിച്ച ഡോക്യുമെന്ററിയെ, വസ്തുനിഷ്ഠതയില്ലാത്തതും കൊളോണിയൽ ചിന്താഗതിയെ പ്രതിഫലിപ്പിക്കുന്നതുമായ “പ്രചാരണ ശകലം” എന്നാണ് എംഇഎ നേരത്തെ വിളിച്ചിരുന്നത്.