2024ലെ തെരഞ്ഞെടുപ്പുമായി ഭാരത് ജോഡോ യാത്രയ്ക്ക് ബന്ധമില്ല: ജയറാം രമേശ്
ഭാരത് ജോഡോ യാത്രയ്ക്ക് 2024ലെ ലോക്‌സഭാ തെരഞ്ഞെടുപ്പുമായി ബന്ധമില്ലെന്നും വെറുപ്പിന്റെയും ഭയത്തിന്റെയും ഭിന്നിപ്പിന്റെയും രാഷ്ട്രീയം അവസാനിപ്പിക്കുന്നതിനാണ് നടത്തുന്നതെന്നും അഖിലേന്ത്യാ കോൺഗ്രസ് കമ്മിറ്റി ജനറൽ സെക്രട്ടറി ജയറാം രമേശ് .
അടുത്ത പൊതുതിരഞ്ഞെടുപ്പിൽ ഗാന്ധിയെ പ്രധാനമന്ത്രി സ്ഥാനാർത്ഥിയായി ഉയർത്തിക്കാട്ടാനുള്ള ശ്രമമാണോ കാൽനട ജാഥയെന്ന ചോദ്യത്തിന് ഇല്ല എന്നായിരുന്നു മറുപടി. ഇത് കോൺഗ്രസിന്റെ ഭാരത് ജോഡോ യാത്രയാണ്, മുഴുവൻ പാർട്ടിയും ഇതിൽ പങ്കാളികളാണ്. ഒരു വ്യക്തിയെ പ്രധാനമന്ത്രിയായി ഉയർത്തിക്കാട്ടാനല്ല, ആർഎസ്എസിനെയും ബിജെപിയെയും ആശയപരമായി നേരിടാനാണ് കാൽനട ജാഥ.
യാത്രയുടെ ഏറ്റവും ദൃശ്യവും പ്രമുഖവും ചലനാത്മകവുമായ മുഖമായതിനാൽ രാഹുലിലേക്ക് രാജ്യത്തിന്റെ ശ്രദ്ധ ആകർഷിക്കപ്പെടുന്നു. കോൺഗ്രസ് പാർട്ടിയുടെ പ്രത്യയശാസ്ത്രവും സംഘടനയും ശക്തിപ്പെടുത്താനും രാഷ്ട്രബോധത്തെ ഉണർത്താനുമാണ് ഈ യാത്ര.
യാത്രയിൽ രാഹുൽ മൂന്ന് പ്രധാന വിഷയങ്ങൾ ഉന്നയിച്ചു: സാമ്പത്തിക അസമത്വം, സാമൂഹിക ധ്രുവീകരണം, രാഷ്ട്രീയ സ്വേച്ഛാധിപത്യം. അദ്ദേഹത്തെ പ്രധാനമന്ത്രി സ്ഥാനാർത്ഥിയായി ഉയർത്തിക്കാട്ടാനുള്ള ശ്രമമാണ് ഈ ജാഥയെന്ന് പറയുന്നത് അന്യായമാണെന്നും രമേശ് പറഞ്ഞു. അടുത്ത മൂന്ന് ദിവസങ്ങളിൽ യാത്ര ജനുവരി 11 ന് പഞ്ചാബിൽ പ്രവേശിക്കുന്നതിന് മുമ്പ് കർണാൽ, കുരുക്ഷേത്ര, അംബാല ജില്ലകളിൽ സഞ്ചരിക്കും.
