എന്റെ പ്രതിച്ഛായ വളച്ചൊടിക്കാൻ ബിജെപി ആയിരക്കണക്കിന് കോടികൾ ചെലവഴിച്ചു; “പപ്പു” വിളിയിൽ പ്രതികരണവുമായി രാഹുൽ ഗാന്ധി
ബി.ജെ.പിയും ആർ.എസ്.എസും ആസൂത്രിതമായി എന്റെ പ്രതിച്ഛായ വളച്ചൊടിക്കാൻ ആയിരക്കണക്കിന് കോടി രൂപ ചെലവിട്ടതായും എന്നാൽ സത്യം എല്ലായ്പ്പോഴും പുറത്തുവരുന്നുവെന്നും സോഷ്യൽ മീഡിയയിൽ തന്നെ പപ്പു എന്ന് പരിഹസിക്കുന്നതിനെ കുറിച്ച് കോൺഗ്രസ് നേതാവ് രാഹുൽ ഗാന്ധി .
പണം, അധികാരം, അഹങ്കാരം എന്നിവയല്ല സത്യമാണ് ഈ രാജ്യത്ത് പ്രവർത്തിക്കുന്നതെന്ന് കോൺഗ്രസ് ബിജെപിയെ പഠിപ്പിക്കുമെന്ന് രാഹുൽ ഗാന്ധി പറഞ്ഞു . കാശ്മീർ താഴ്‌വരയിലേക്കുള്ള യാത്ര ആരംഭിക്കുന്നതിന് മുമ്പ് ജമ്മുവിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
“എന്റെ പ്രതിച്ഛായ വളച്ചൊടിക്കാൻ ആയിരക്കണക്കിന് കോടികൾ ചെലവഴിച്ചു. ഇത് ബിജെപിയും അതിന്റെ നേതാക്കളും ആസൂത്രിതമായി ചെയ്തു. ആയിരക്കണക്കിന് കോടികൾക്ക് സത്യം മറച്ചുവെക്കാൻ കഴിയില്ല, നിങ്ങൾ അത് കണ്ടു, സത്യം എല്ലായ്പ്പോഴും പുറത്തുവരും,” തന്റെ “പപ്പു” പ്രതിച്ഛായയെ നേരിടാൻ കോൺഗ്രസ് കോടിക്കണക്കിന് രൂപ ചെലവഴിക്കുകയാണോ എന്ന ചോദ്യത്തിന് അദ്ദേഹം പറഞ്ഞു.
“നിങ്ങൾക്ക് ആരെയും തരംതാഴ്ത്താം, ആരുടെ പ്രതിച്ഛായ വികലമാക്കാം, ഏത് സർക്കാരും വാങ്ങാം, പണം കൊണ്ട് എന്തും ചെയ്യാം. എന്നാൽ അത് സത്യമായിരിക്കില്ല. സത്യം എല്ലായ്പ്പോഴും പണത്തെയും അധികാരത്തെയും മാറ്റിനിർത്തുന്നു, ഈ യാഥാർത്ഥ്യം ബിജെപി നേതാക്കൾക്ക് പതുക്കെ തെളിഞ്ഞുവരുന്നു,” അദ്ദേഹം പറഞ്ഞു.
