റെയില്‍വേസിനെതിരെ സെഞ്ചുറി; സഞ്ജുവിനെ വാഴ്ത്തി സോഷ്യൽ മീഡിയ
ഇന്ന് നടന്ന വിജയ് ഹസാരെ ട്രോഫിയില്‍ റെയില്‍വേസിനെതിരെ കേരളത്തിനുവേണ്ടി സെഞ്ചുറി നേടിയ പിന്നലെ സഞ്ജു സാംസണെ വാഴ്ത്തി സോഷ്യല്‍ മീഡിയയും ക്രിക്കറ്റ് ലോകവും . കേരളത്തിനുവേണ്ടി അഞ്ചാമനായി ക്രീസിലെത്തിയ സഞ്ജു 139 പന്തില്‍ 128 റണ്‍സാണ് അടിച്ചെടുത്തത്. ഇതില്‍ ആറ് സിക്സും എട്ട് ഫോറുമുണ്ടായിരുന്നു.
അതേസമയം സഞ്ജു സെഞ്ചുറി നേടിയെങ്കിലും കേരളം 18 റണ്‍സിന് മത്സരത്തിൽ പരാജയപ്പെട്ടിരുന്നു . എന്നാൽ പോലും ഏഴ് മത്സരങ്ങളില്‍ 20 പോയിന്റുളള കേരളത്തിന് ഗ്രൂപ്പ് എയില്‍ ഒന്നാം സ്ഥാനക്കാരായി ക്വാര്‍ട്ടര്‍ ഫൈനലിന് യോഗ്യത നേടാനായി. വിജസ് ഹസാരെ ട്രോഫിയില്‍ ഈ സീസണില്‍ സഞ്ജുവിന്റെ ആദ്യ സെഞ്ചുറിയാണിത്. ദക്ഷിണാഫ്രിക്കയ്‌ക്കെതിരെ ഏകദിന പരമ്പരയ്‌ക്കൊരുങ്ങുന്ന സഞ്ജുവിന് ഇന്നത്തെ പ്രകടനം ഏറെ ആത്മവിശ്വാസം നല്‍കും.
ടീമിനെ വിജയത്തിലെത്തിക്കാന്‍ സഞ്ജുവിന് സാധിച്ചില്ലെങ്കിലും താരത്തെ വാഴ്ത്തുകയാണ് സോഷ്യല്‍ മീഡിയ. സഞ്ജു ക്രീസിലെത്തുമ്പോള്‍ 8.5 ഓവറില്‍ മൂന്നിന് 26 എന്ന പരിതാപകരമായ നിലയിലായിരുന്ന കേരളം. അഞ്ചാമനായി എത്തിയ ക്യാപ്റ്റന്‍ അവസാന ഓവറിലെ അഞ്ചാം പന്തിലാണ് മടങ്ങുന്നത്.
ശ്രേയസ് ഗോപാല്‍ (53) മറ്റുള്ള താരങ്ങളില്‍ നിന്നൊന്നും സഞ്ജുവിന് പിന്തുണ ലഭിച്ചില്ല. പിന്തുണ ലഭിച്ചിരുന്നെങ്കില്‍ ഫലം മറ്റൊന്നായേനെ. എന്നിരുന്നാലും നിലവിലെ ചാംപ്യന്മാരായ സൗരാഷ്ട്ര, കരുത്തരായ മുംബൈ എന്നിവരെ മറികടന്ന് ഒന്നാമതെത്താന്‍ കേരളത്തിനു സാധിച്ചു .
