മുഖ്യമന്ത്രിയുടെ പോലീസ് മെഡൽ എഡിജിപി എംആർ അജിത്ത് കുമാറിന്; തൽക്കാലം നൽകേണ്ടതില്ല എന്ന് ഡിജിപി

അനധികൃത സ്വത്തുസമ്പാദനം ഉൾപ്പെടെ വിവിധ ആരോപണങ്ങളിൽ അന്വേഷണം നേരിടുന്ന എഡിജിപി എംആർ അജിത്ത് കുമാറിന് മുഖ്യമന്ത്രിയുടെ പൊലീസ് മെഡൽ. പക്ഷെ , അന്വേഷണം നേരിടുന്നതിനാൽ മെഡൽ തൽക്കാലം നൽകേണ്ടെന്ന് ഡിജിപി തീരുമാനമെടുത്തു . നാളെയാണ് മുഖ്യമന്ത്രിയുടെ മെഡൽ ദാന ചടങ്ങ് നടക്കുക .

നിലവിലെ സാഹചര്യത്തിൽ അജിത്ത് കുമാറിന് മെഡൽ നൽകേണ്ടതില്ല എന്ന് മുഖ്യമന്ത്രിക്ക് ഡിജിപി കത്തയക്കുകയായിരുന്നു. മെഡൽ നേട്ടം പ്രഖ്യാപിച്ചാലും അന്വേഷണം നേരിടുന്ന ഉദ്യോഗസ്ഥന് മെഡൽ നൽകാറില്ല.

ഇത്തവണത്തെ തൃശൂർ പൂരം കലക്കൽ ഉൾപ്പെടെയുള്ള വിവിധ ആരോപണങ്ങളെ തുടർന്നാണ് ക്രമസമാധാന ചുമതലയുള്ള എഡിജിപിയായിരുന്ന അജിത്ത് കുമാറിനെ സ്ഥാനത്തുനിന്ന് നീക്കിയത്. നിലവിൽ അജിത്ത് കുമാറിനെതിരെ അന്വേഷണവും നടക്കുന്നുണ്ട്.