ജയസൂര്യക്കെതിരെ വീണ്ടും പ്രത്യേക അന്വേഷണസംഘത്തിന് പരാതി
നടൻ ജയസൂര്യക്കെതിരെ പ്രത്യേക അന്വേഷണസംഘത്തിന് വീണ്ടും ഒരു നടിയിൽ നിന്നും പരാതി ലഭിച്ചു . ഇതിനെ തുടർന്ന് അന്വേഷണ ഉദ്യോഗസ്ഥരായ ജി. പൂങ്കുഴലി,ഐശ്വര്യ ഡോങ്ക്റെ എന്നിവർ പരാതിക്കാരിയുമായി നേരിട്ട് സംസാരിച്ചു.
ഒരു സിനിമയുടെ ഷൂട്ടിംഗ് സെറ്റിൽവെച്ച് തന്നെ കടന്നുപിടിച്ചെന്നാണ് ജയസൂര്യയ്‌ക്കെതിരെ നടിയുടെ പരാതി. 2013- തൊടുപുഴയിൽ വെച്ചാണ് സംഭവം നടന്നതെന്നും പരാതിയിൽ പറയുന്നു. അതേസമയം, മറ്റൊരു നടിയും ജയസൂര്യക്കെതിരെ പരാതി നല്‍കിയിരുന്നു.
2008ലായിരുന്നു ജയസൂര്യയിൽനിന്ന് മോശം അനുഭവമുണ്ടായത്. സംസ്ഥാന സെക്രട്ടേറിയറ്റിലായിരുന്നു ഷൂട്ടിങ്. റസ്റ്റ് റൂമിൽ പോയി വരുമ്പോൾ ജയസൂര്യ പിന്നിൽനിന്ന് കെട്ടിപ്പിടിച്ചു ചുംബിച്ചു. ഫ്‌ളാറ്റിലേക്ക് വരാൻ ക്ഷണിച്ചെന്നുമായിരുന്നു ആ നടി നൽകിയ പരാതി. നിലവിൽ സിനിമാ മേഖലയിൽ നിന്ന് ഇതുവരെ പൊലീസിന് ലഭിച്ചത് 18 പരാതികളാണ്. വെളിപ്പെടുത്തൽ നടത്താത്ത സംഭവങ്ങളിലും പരാതി ലഭിച്ചിട്ടുണ്ട്.
