പാര്‍ട്ടിയില്‍ ഐക്യം ഓര്‍മപ്പെടുത്തി കോണ്‍ഗ്രസ് ദേശീയ അധ്യക്ഷന്‍ മല്ലികാ‌ര്‍ജുന്‍
ഷിംല : പാര്‍ട്ടിയില്‍ ഐക്യം ഓര്‍മപ്പെടുത്തി കോണ്‍ഗ്രസ് ദേശീയ അധ്യക്ഷന്‍ മല്ലികാ‌ര്‍ജുന്‍ ഖാര്‍ഗെ. ഹിമാചല്‍ പ്രദേശിലെ വിജയം പാര്‍ട്ടി ഐക്യത്തോടെ പ്രവര്‍ത്തിച്ചാല്‍ ഫലമുണ്ടാകും എന്നതിന് തെളിവാണെന്നും ഖാര്‍ഗെ ഓര്‍മ്മിപ്പിച്ചു.
ഹിമാചല്‍ പ്രദേശിലെത് ജനങ്ങളുടെ വിജയം എന്നും ഖാര്‍ഗെ പറഞ്ഞു. സുഖ്വിന്ദര്‍ സിംഗ് സുഖുവിന്റെ സത്യ പ്രതജ്ഞ ചടങ്ങില്‍ പങ്കെടുക്കാന്‍ ഖാര്‍ഗെ ഹിമാചലില്‍ എത്തി. ചടങ്ങില്‍ പങ്കെടുക്കാന്‍ രാഹുല്‍ ഗാന്ധിയും പ്രിയങ്ക ഗാന്ധിയും ഷിംലയില്‍ എത്തി.
മുഖ്യമന്ത്രിയായി ചുമതലയേല്‍ക്കും മുമ്ബ് സുഖ്വിന്ദര്‍ സിംഖ് സുഖു, സംസ്ഥാന അധ്യക്ഷ പ്രതിഭാ സിംഗിനെ വീട്ടിലെത്തി കണ്ടു. മുഖ്യമന്ത്രി സ്ഥാനം ലഭിക്കാത്തതില്‍ ഇടഞ്ഞുനില്‍ക്കുന്ന പ്രതിഭയെ സുഖു ചടങ്ങിലേക്ക് ക്ഷണിച്ചു. സത്യപ്രതിജ്ഞാ ചടങ്ങില്‍ ഉറപ്പായും പങ്കെടുക്കുമെന്ന് പ്രതിഭാ സിംഗ് അറിയിച്ചു. ചടങ്ങില്‍ പങ്കെടുക്കുക തന്‍്റെ ചുമതലയാണെന്നും അവര്‍ പറഞ്ഞു. മകന്‍ വിക്രമാദിത്യ സിംഗ് മന്ത്രി സഭയില്‍ ഉണ്ടാകുമോ എന്ന ചോദ്യത്തിന് മിക്കവാറും ഉണ്ടാകുമെന്നായിരുന്നു പ്രതിഭാ സിംഗിന്റെ മറുപടി. ഹൈക്കമാന്‍ഡ് തീരുമാനം ബഹുമാനിക്കുന്നുവെന്ന് വിക്രമാദിത്യ സിംഗും പ്രതികരിച്ചു. ഒറ്റക്കെട്ടായി പ്രവര്‍ത്തിക്കുമെന്നും സിംഗ് വ്യക്തമാക്കി.
