ഉമ്മൻ ചാണ്ടിക്ക് വിദഗ്ധ ചികിത്സ നിഷേധിക്കുന്നു; പരാതിയുമായി സഹോദരൻ ഉള്പടെയുള്ള ബന്ധുക്കൾ

ഉമ്മൻചാണ്ടിക്ക് കൃത്യമായ ചികിൽസ നിഷേധിക്കപ്പെടുന്നുവെന്നും ആരോഗ്യനില ഓരോ നിമിഷവും വഷളാകുകയാണെന്നും ആരോപിച്ച് സഹോദരൻ ഉൾപ്പെടെ 42 അടുത്ത ബന്ധുക്കൾ മുഖ്യമന്ത്രി പിണറായി വിജയന് പരാതി നൽകി. ആരോഗ്യനില ഓരോ നിമിഷവും വഷളാകുകയാണെന്നും രോഗിയായ മുൻ മുഖ്യമന്ത്രിക്ക് ഏറ്റവും മികച്ച ചികിത്സ ഉറപ്പാക്കാൻ അടിയന്തര ഇടപെടൽ നടത്തണം എന്നുമാണ് പരാതിയിലുള്ളത്.

തിരുവനന്തപുരത്തെ വസതിയിൽ ഉമ്മൻചാണ്ടിയെ സന്ദർശിക്കാൻ ഉമ്മൻചാണ്ടിയുടെ കുടുംബം സ്വന്തം സഹോദരങ്ങൾക്കും മറ്റ് അടുത്ത ബന്ധുക്കൾക്കും അനുമതി നിഷേധിച്ചതിനെ തുടർന്നാണ് പിണറായിയെ സമീപിക്കാൻ ബന്ധുക്കൾ നിർബന്ധിതരായത്.

മുൻ മുഖ്യമന്ത്രി കൂടിയായ ഉമ്മൻചാണ്ടിയെപ്പോലെ പരിചയസമ്പന്നനായ നേതാവിന് ആവശ്യമായ ചികിത്സ നിഷേധിക്കുന്നത് സംസ്ഥാനത്തിന് നാണക്കേടാണ്’ എന്നാണ് കത്തിൽ ഉള്ളത്. ഉമ്മൻചാണ്ടിക്ക് ലഭ്യമായ ഏറ്റവും മികച്ച ചികിത്സ ലഭ്യമാക്കാനുള്ള നടപടികൾ ആരംഭിക്കണമെന്ന് മുഖ്യമന്ത്രിയോടും ആരോഗ്യമന്ത്രിയോടും ഞങ്ങൾ അഭ്യർത്ഥിക്കുന്നു. ജനുവരിയിൽ ബംഗളൂരുവിൽ നിന്ന് തിരുവനന്തപുരത്ത് തിരിച്ചെത്തിയതിന് ശേഷം ചാണ്ടിക്ക് തുടർചികിത്സ നൽകിയിട്ടില്ലെന്ന് മെമ്മോറാണ്ടം ആരോപിക്കുന്നു. തുടർചികിത്സ ശുപാർശ ചെയ്യാൻ വിദഗ്ധരടങ്ങുന്ന മെഡിക്കൽ സംഘത്തെ രൂപീകരിക്കണമെന്ന് മുഖ്യമന്ത്രിയോട് ആവശ്യപ്പെടുന്നു.