സോഷ്യൽ മീഡിയയിലൂടെ സല്‍പ്പേരിനെ ബാധിക്കുന്ന രീതിയില്‍ തെറ്റായ കാര്യങ്ങള്‍ പ്രചരിപ്പിക്കുന്നു; പരാതിയുമായി റിമ കല്ലിങ്കൽ
20 September 2024
സോഷ്യല്‍ മീഡിയയിലൂടെ തന്നെ അപകീര്‍ത്തിപ്പെടുത്തി എന്ന് ആരോപിച്ച് പൊലീസില്‍ പരാതി നല്‍കി റിമ കല്ലിങ്കല്‍. വ്യക്തിഹത്യ ചെയ്യുന്നു, പലരും സല്‍പ്പേരിനെ ബാധിക്കുന്ന രീതിയില്‍ തെറ്റായ കാര്യങ്ങള്‍ പ്രചരിപ്പിക്കുന്നുവെന്ന് ആരോപിച്ചാണ് നടി കൊച്ചി സിറ്റി പൊലീസ് കമ്മീഷണര്‍ക്ക് പരാതി നല്‍കിയത്.
സമൂഹ മാധ്യമങ്ങളിലൂടെ തന്റെ പ്രതിഛായ മോശമാക്കുന്നതായും റിമയുടെ പരാതിയില്‍ പറയുന്നുണ്ട്. നടി ഈ മെയിലൂടെയാണ് തന്റെ പരാതി കൈമാറിയത്. അതേസമയം, റിമക്കെതിരെ വ്യാജ ആരോപണങ്ങള്‍ ഉന്നയിച്ച ഗായിക സുചിത്രയ്‌ക്കെതിരെയും റിമ മാനനഷ്ടത്തിന് കേസ് നല്‍കിയിട്ടുണ്ട്. റിമയുടെ കരിയര്‍ തകര്‍ത്തത് ലഹരിയാണ് എന്നായിരുന്നു സുചിത്ര പറഞ്ഞത്.
