മുഖ്യമന്ത്രി ഉൾപ്പെടുന്ന അടിയന്തര സെക്രട്ടറിയേറ്റ് യോഗം നാളെ; പി പി ദിവ്യ പുറത്തേക്കെന്ന് സൂചന

സിപിഎം അടിയന്തര സെക്രട്ടറിയേറ്റ് യോഗം നാളെ നടക്കുന്നു . സിപിഎമ്മിന്റെ തൃശൂര്‍ ജില്ലാ കമ്മിറ്റി ഓഫീസില്‍ നാളെ രാവിലെ പത്ത് മണിക്കാണ് അടിയന്തര സെക്രട്ടറിയേറ്റ് യോഗം നടക്കുന്നത്. മുഖ്യമന്ത്രിയുള്‍പ്പെടെ എല്ലാ സെക്രട്ടറിയേറ്റംഗങ്ങളും പങ്കെടുക്കും.

എഡിഎം ആയിരുന്ന നവീന ബാബുവിന്റെ മരണത്തെ തുടർന്ന് പ്രതിരോധത്തിലായ കണ്ണൂര്‍ ജില്ലാ പഞ്ചായത്ത് മുന്‍ പ്രസിഡന്റ് പി പി ദിവ്യയ്‌ക്കെതിരെ ശക്തമായ നടപടിയെടുക്കാനാണ് അടിയന്തര യോഗം ചേരുന്നതെന്നാണ് സൂചന. കഴിഞ്ഞ ദിവസം കണ്ണൂര്‍ ജില്ലാ സെക്രട്ടറിയേറ്റ് യോഗം ചേര്‍ന്നെങ്കിലും ദിവ്യയ്‌ക്കെതിരെ നടപടിയുണ്ടായിരുന്നില്ല . അതേസമയം ദിവ്യയെ അറസ്റ്റ് ചെയ്യുന്നതില്‍ പൊലീസ് നിയമോപദേശം തേടിയിട്ടുണ്ട്.