ബിഹാറിലെ ദുർഗാ പൂജ പന്തലിൽ വെടിവെപ്പ്; 4 പേർക്ക് പരിക്ക്
ഇന്ന് പുലർച്ചെ ബിഹാറിലെ അറായിൽ ദുർഗാപൂജ പന്തലിനു നേരെയുണ്ടായ വെടിവയ്പ്പിൽ നാല് പേർക്ക് പരിക്കേറ്റു. രണ്ട് മോട്ടോർ സൈക്കിളുകളിലായി എത്തിയ അജ്ഞാതർ പന്തലിൽ വെടിയുതിർത്ത ശേഷം രക്ഷപ്പെടുകയായിരുന്നുവെന്ന് ദൃക്‌സാക്ഷികൾ പറഞ്ഞു. സംഭവസ്ഥലത്ത് നിന്ന് രണ്ട് ബുള്ളറ്റ് കേസിംഗുകൾ പോലീസ് കണ്ടെടുത്തു.
അർമാൻ അൻസാരി (19), സുനിൽ കുമാർ യാദവ് (26), റോഷൻ കുമാർ (25), സിപാഹി കുമാർ എന്നിവർക്കാണ് പരിക്കേറ്റത്. അർമാൻ മുതുകിലും സുനിൽ ഇടതുകൈയിലും റോഷൻ്റെ വലതു കാൽമുട്ടിന് താഴെയും സിപാഹിയുടെ അരയിലും വെടിയേറ്റു. ഇവരെ വിദഗ്ധ ചികിൽസയ്ക്കായി സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.
അടിവയറ്റിൽ വെടിയേറ്റ രണ്ടുപേരെ ശസ്ത്രക്രിയയ്ക്ക് വിധേയമാക്കിയതായി ഇവരുടെ ചികിത്സയ്ക്ക് മേൽനോട്ടം വഹിക്കുന്ന ഡോ.വികാഷ് സിംഗ് പറഞ്ഞു. ഈ അക്രമ പ്രവർത്തനത്തിന് പിന്നിലെ കാരണം അജ്ഞാതമായി തുടരുന്നു. ആക്രമണത്തിന് ഉത്തരവാദികളായവരെ പിടികൂടാൻ പോലീസ് റെയ്ഡ് നടത്തുകയാണ്.
യാതൊരു മുന്നറിയിപ്പുമില്ലാതെയാണ് തോക്കുധാരികൾ ബൈക്കിൽ വന്ന് വെടിയുതിർത്തതെന്ന് യാദവ് പറഞ്ഞു. സംഭവം നാട്ടുകാരിൽ ഭീതിയും ഉത്സവ സീസണിൽ പ്രദേശത്ത് വൻ സുരക്ഷാ ആശങ്കയും സൃഷ്ടിച്ചിട്ടുണ്ട്.
