ഗണേശ പൂജ ആഘോഷങ്ങൾ; ഡി.ജെ നിരോധനവുമായി ഒഡീഷ പോലീസ്

അടുത്തമാസം 7 ന് നടക്കുന്ന ഗണേശ പൂജ ആഘോഷങ്ങൾക്ക് മുന്നോടിയായി ഭുവനേശ്വറിലും, കട്ടക്കിലും ഡിസ്ക് ജോക്കി (ഡി.ജെ) യ്ക്ക് ഒഡീഷ പോലീസ് നിരോധനം ഏർപ്പെടുത്തി. പോലീസ് കമ്മീഷണർ സഞ്ജീബ് പാണ്ഡയാണ് കട്ടക്കിലെ പൂജാ സംഘാടകരുമായി നടത്തിയ കൂടിക്കാഴ്ചയ്ക്ക് ശേഷം തീരുമാനം പ്രഖ്യാപിച്ചത്.

ഭുവനേശ്വർ ഡി.സി.പിയായ പ്രതീക് സിംഗ് പ്രാദേശിക സംഘാടകരുമായി നടത്തിയ ചർച്ചയിൽ ഇതേ നിർദ്ദേശം പുറപ്പെടുവിച്ചു. വിഗ്രഹ നിമജ്ജന ഘോഷയാത്രകൾ ഉൾപ്പെടെ പൂജയ്ക്കിടെ ഡിജെ സംഗീതം ഉപയോഗിക്കരുതെന്ന് ഇരു നഗരങ്ങളുടെയും സംഘാടകർക്ക് നിർദേശം നൽകി . അതേസമയം കട്ടക്കിൽ, വിഗ്രഹ നിമജ്ജന ചടങ്ങുകൾ സെപ്തംബർ 15, 22, 29 തീയതികളിൽ ഷെഡ്യൂൾ ചെയ്തിട്ടുണ്ട്. പൂജാ കമ്മിറ്റികൾ അവരുടെ പ്രാദേശിക പോലീസ് സ്റ്റേഷനിൽ നിന്ന് കുറഞ്ഞത് ഏഴ് ദിവസം മുമ്പെങ്കിലും മുൻകൂർ അനുമതി വാങ്ങണമെന്ന് കമ്മീഷണർ സഞ്ജീബ് പാണ്ഡ പറഞ്ഞു.

അതേസമയം , കട്ടക്കിലെ വിഗ്രഹ നിമജ്ജന ചടങ്ങ് സെപ്റ്റംബർ 15, 22, 29 തീയതികളിലാണ് നടക്കുന്നത് . പൂജാ കമ്മിറ്റികളോട് ഏഴ് ദിവസം മുമ്പ് ലോക്കൽ പോലീസ് സ്റ്റേഷനിൽ നിന്ന് മുൻകൂർ അനുമതി വാങ്ങാൻ ആവശ്യപ്പെട്ടിട്ടുണ്ടെന്നും ഘോഷയാത്രയിൽ ഡി.ജെയ്ക്ക് പകരം പരമ്പരാഗത സംഗീതോപകരണങ്ങൾ ഉപയോഗിക്കാനും നിർദ്ദേശം നൽകിയിട്ടുണ്ട് .