മുൻ ഭാര്യ അമൃതയ്ക്ക് പിന്നാലെ ബാലയെ ആശുപത്രിയിലെത്തി കണ്ട് ഗോപി സുന്ദർ
![single-img](https://www.evartha.in/wp-content/themes/nextline_evartha_v2/images/footer_logo.png)
![](https://www.evartha.in/wp-content/uploads/2023/03/gopi-sundar.gif)
ഗുരുതരാവസ്ഥയിൽ ആശുപത്രിയിൽ ചികിത്സയിൽ കഴിയുന്ന ബാലയെ മുൻ ഭാര്യ അമൃത സുരേഷും മകള് അവന്തികയും സന്ദര്ശിച്ച പിന്നാലെ കൊച്ചിയിലെ അമൃത ആശുപത്രിയിൽ അമൃതയുടെ ഭര്ത്താവ് ഗോപി സുന്ദറും എത്തി.
അമൃത ഇപ്പോഴും ആശുപത്രിയിൽ തന്നെ തുടരുകയാണെന്ന് സഹോദരി അഭിരാമി സുരേഷ് അറിയിച്ചു. ‘ബാല ചേട്ടന്റെ അടുത്തു ഞങ്ങൾ കുടുംബസമേതം എത്തി .. പാപ്പുവും ചേച്ചിയും കണ്ടു, സംസാരിച്ചു .. ചേച്ചി ഹോസ്പിറ്റലിൽ ബാല ചേട്ടനൊപ്പം ഉണ്ട്.. ചെന്നൈയിൽ നിന്നും ശിവ അണ്ണനും എത്തിയിട്ടുണ്ട് .. നിലവിൽ വേറെ പ്രശ്നങ്ങളൊന്നുമില്ല .., എന്ന് അഭിരാമി സോഷ്യല് മീഡിയയില് എഴുതി.
അതേസമയം, ഗോപി സുന്ദർ ബാലയെ സന്ദര്ശിക്കാന് ആശുപത്രിയില് എത്തുന്ന വീഡിയോ വിവിധ മീഡിയ പേജുകളില് വൈറലായിട്ടുണ്ട്. ഇന്നലെ വൈകുന്നേരമാണ് കടുത്ത ചുമയും വയറുവേദനയും അനുഭവപ്പെട്ടതിനെത്തുടര്ന്ന് ബാലയെ ആശുപത്രിയില് പ്രവേശിപ്പിച്ചത്.
ഹോസ്പിറ്റലിലെ ഗ്യാസ്ട്രോ എൻട്രോളജി വിഭാഗത്തിൽ ആണ് ബാല ചികിത്സയിലുള്ളതെന്ന് ആശുപത്രി വൃത്തങ്ങള് അറിയിച്ചു. കരള്രോഗവുമായി ബന്ധപ്പെട്ട് ഒരാഴ്ച മുമ്പ് ബാല ചികിത്സ തേടിയിരുന്നു. സഹപ്രവര്ത്തകര് അടക്കം നിരവധി പേരാണ് ബാലയെ കാണാന് ആശുപത്രിയിലേക്ക് എത്തുന്നത്.