ഗോവയിൽ ഇനി ഓഫ്‌ഷോർ കാസിനോകൾക്ക് സർക്കാർ അനുമതി നൽകില്ല
25 July 2023
ഗോവയിൽ ഇനിമുതൽ ഒരു ഓഫ്‌ഷോർ കാസിനോകൾക്കും സർക്കാർ അനുമതി നൽകില്ലെന്ന് മുഖ്യമന്ത്രി പ്രമോദ് സാവന്ത്. സംസ്ഥാന നിയമസഭയിൽ ആഭ്യന്തര വകുപ്പിന്റെ ആവശ്യങ്ങളോട് പ്രതികരിക്കുകയായിരുന്നു അദ്ദേഹം. മണ്ഡോവി നദിയിലെ കപ്പലുകളിൽ പ്രവർത്തിക്കുന്ന ആറ് കാസിനോകൾ ഇതിനോടകം ഗോവയിൽ ഉണ്ട്.
ഇവയുടെ പ്രവർത്തനം സുഗമമാക്കാൻ ചപ്പോര നദിക്കരയിൽ ഒരു ജെട്ടി വരുന്നുവെന്ന പ്രതിപക്ഷ നേതാവ് യൂറി അലെമാവോയുടെ വാദങ്ങളും സാവന്ത് നിഷേധിച്ചു. യാത്രക്കാരെ കടത്തിവിടുന്നതിനാണ് ജെട്ടികൾ നിർമ്മിച്ചിരിക്കുന്നത്, വിഷയത്തിൽ ജനങ്ങൾക്കിടയിൽ പരിഭ്രാന്തി സൃഷ്ടിക്കരുതെന്ന് പ്രതിപക്ഷത്തോട് സാവന്ത് ആവശ്യപ്പെട്ടു.
