മുടിനീട്ടി വളർത്തിയ 15 വിദ്യാർത്ഥികളുടെ മുടിവെട്ടി; തെലങ്കാനയിൽ സ്കൂൾ അധ്യാപികയെ സസ്പെൻഡ് ചെയ്തു
തെലങ്കാനയിലെ ഖമ്മം ജില്ലയിലെ ഒരു സർക്കാർ സ്കൂൾ അധ്യാപികയെ 15 വിദ്യാർത്ഥികളുടെ മുടി നീളമുള്ളതായി തോന്നിയതിനെ തുടർന്ന് വെട്ടിയതിനെ തുടർന്ന് സസ്പെൻഡ് ചെയ്തു. ജില്ലയിലെ കല്ലൂർ മണ്ഡലത്തിൽ ശനിയാഴ്ച നടന്ന സംഭവത്തിൽ ഇംഗ്ലീഷ് അധ്യാപികയെ അന്വേഷണ വിധേയമായി സസ്പെൻഡ് ചെയ്തതായി വിദ്യാഭ്യാസ വകുപ്പ് അധികൃതർ അറിയിച്ചു.
8,9,10 ക്ലാസുകളിലെ പതിനഞ്ചോളം വിദ്യാർത്ഥികളുടെ മുടി കത്രിക ഉപയോഗിച്ച് അധ്യാപിക സ്കൂൾ വളപ്പിൽ വച്ച് വെട്ടിയെന്നാണ് പരാതി. മുടി മുറിച്ചതിൽ മനംനൊന്ത് വിദ്യാർഥികൾ രക്ഷിതാക്കളോട് പരാതിപ്പെട്ടതോടെ അധ്യാപികയുടെ നടപടിക്കെതിരെ സ്‌കൂളിന് മുന്നിൽ സമരം നടത്തി.
“ഇത് (മുടിവെട്ടൽ) അദ്ധ്യാപകരുടെ ജോലിയല്ല. അവർ (വിദ്യാർത്ഥികൾ) ക്രമരഹിതരാണെങ്കിൽ, അവർ അച്ചടക്കമില്ലാത്തവരാണെങ്കിൽ, അവൾക്ക് അവരുടെ മാതാപിതാക്കളെ അറിയിക്കാമായിരുന്നു, അല്ലാതെ മുടിവെട്ടാൻ പാടില്ലായിരുന്നു ” ഉദ്യോഗസ്ഥൻ പറഞ്ഞു.
അതേസമയം , നീണ്ട മുടിയുമായി ക്ലാസുകളിൽ പങ്കെടുക്കുന്നത് കണ്ടെത്തിയതിനാൽ മുടിവെട്ടാൻ വിദ്യാർത്ഥികളോട് പലതവണ ഉപദേശിച്ചതായി വനിതാ അധ്യാപിക പറഞ്ഞു. “വിദ്യാർത്ഥികൾ അത് ചെയ്യുന്നതിൽ പരാജയപ്പെട്ടതിനാൽ അവരുടെ മുടി മുറിക്കേണ്ടി വന്നു”, അങ്ങനെ ചെയ്തത് തെറ്റാണെന്ന് തനിക്ക് തോന്നുന്നില്ലെന്നും അധ്യാപിക മാധ്യമങ്ങളോട് പറഞ്ഞു.
