പണത്തിനു വേണ്ടി മാത്രം ഞാനൊരു സിനിമ ചെയ്യില്ല; നല്ല സിനിമകളുടെ ഭാഗമാകണം എന്നാണ് ആഗ്രഹം: ദുൽഖർ സൽമാൻ
മലയാളത്തിൽ തുടങ്ങി ഇപ്പോൾ മലയാളത്തിന് പുറമെ മറ്റ് ബോളിവുഡ് ഉൾപ്പെടെയുള്ള നിരവധി ഇന്ത്യൻ ഭാഷകളിലേയ്ക്കും ചുവടുറപ്പിച്ച ദുല്‍ഖറിന് ധാരാളം ചിത്രങ്ങളുമുണ്ട്. പക്ഷെ ഇപ്പോഴിതാ താൻ ഒരിക്കലും പണത്തിന് വേണ്ടി സിനിമ ചെയ്യില്ലെന്ന് പറയുകയാണ് അദ്ദേഹം . ഒരു യൂട്യൂബ് ചാനലിന് നല്‍കിയ അഭിമുഖത്തില്‍ സംസാരിക്കുകയായിരുന്നു ദുൽഖർ.
എനിക്ക് നിങ്ങള്‍ ധാരാളം പണം തന്നു എന്നത് കൊണ്ട് ഞാനൊരു സിനിമ ചെയ്യില്ല. നല്ല സിനിമകളുടെ ഭാഗമാകണം എന്നാണ് എന്റെ ആഗ്രഹം. വലിയ പ്രതിഫലത്തിനായി ഒരു ഒടിടി എന്നെ ഹിന്ദിയില്‍ ഒരു ഷോ ചെയ്യാനായി സമീപിച്ചിരുന്നു. അത് ഒരു റീമേക്കായിരുന്നു. വലിയ പ്രതിഫലമാണ് അതിനായി എനിക്ക് അവർ ഓഫർ ചെയ്തത്.
എന്നാൽ ഞാൻ അവരോട് നോ പറഞ്ഞു. ഞാൻ പരസ്യങ്ങളും നിക്ഷേപങ്ങളും ചെയ്യുന്നുണ്ട്. അതിനാൽ തന്നെ ഞാൻ പണത്തിന് വേണ്ടി സിനിമ ചെയ്യില്ല. സിനിമയില്‍ അഭിനയിക്കാൻ തുടങ്ങിയ കാലം മുതല്‍ പിന്തുടരുന്ന ഒരു റൂള്‍ ആണത്. എന്റെ പ്രേക്ഷകരുടെ മനസില്‍ എപ്പോഴും ഞാൻ എന്റെ അച്ഛന്റെ മകനാണ് എന്നും ദുല്‍ഖർ സല്‍മാൻ പറഞ്ഞു.
