ഊബർ ഈറ്റ്സ് വഴി ഓർഡർ ചെയ്താൽ ഇവിടെ കഞ്ചാവും ലഭിക്കും

ഭക്ഷണ സാധനങ്ങൾക്കും മറ്റ് അവശ്യവസ്തുക്കൾക്കും പുറമെ ഇനി മുതൽ ഊബർ ഈറ്റ്സ് വഴി കഞ്ചാവും ലഭിക്കും. കാനഡയിലെ ആൽബർട്ട എന്ന പ്രവിശ്യയിലാണ് ഈ സേവനം. കാനഡയിൽ ബ്രിട്ടിഷ് കൊളംബിയയ്ക്ക് ശേഷം ഈ സംവിധാനം ഒരുക്കുന്ന മൂന്നാമത്തെ പ്രവിശ്യയാണ് ആൽബർട്ട.

കഴിഞ്ഞ വർഷം ബ്രിട്ടിഷ് കൊളംബിയയും 2022-ൽ ഒൻ്റാരിയോയും ഊബർ ഈറ്റ്സ് വഴി കഞ്ചാവ് ഓർഡർ ചെയ്യാൻ നിയമപരമായി അനുവാദം നൽകിയിരുന്നു. അതേസമയം ഉപയോക്താവിന് കഞ്ചാവ് വിതരണം ചെയ്യാൻ ജീവനക്കാർക്ക് ലൈസൻസും പരിശീലനവും ഉണ്ടെന്ന് ഉറപ്പാക്കി, തങ്ങൾ പ്രവിശ്യാ നിയമങ്ങൾ പാലിക്കുന്നുണ്ടെന്ന് UBER കാനഡയുടെ വക്താവ് കീർത്തന രംഗ് പറഞ്ഞു.

ഇതിനെല്ലാം പുറമെ ഉപയോക്താക്കൾ കഞ്ചാവ് ഓർഡർ ചെയ്യുമ്പോൾ ഊബർ ഈറ്റ്സ് ആപ്പിൽ അവരുടെ പ്രായം ശരിയായി രേഖപ്പെടുത്തണം. ഇതോടൊപ്പം ഡെലിവറി സമയത്ത് ഊബർ ഈറ്റ്സ് ജീവനക്കാരെ ഉപയോക്താക്കൾ തങ്ങളുടെ തിരിച്ചറിയൽ രേഖ കാണിക്കുകയും വേണം.