അമേരിക്കക്കെതിരെ ഇന്ത്യ; സഞ്ജുവിന് ഇന്നും പ്ലേയിങ് ഇലവനില്‍ സ്ഥാനമില്ല
ട്വന്റി 20 ലോകകപ്പ് ക്രിക്കറ്റിൽ ഇന്ത്യയ്‌ക്കെതിരെ അമേരിക്കയ്ക്ക് ആദ്യം ബാറ്റിങ്. ന്യൂയോര്‍ക്കിലെ നസ്സൗ കൗണ്ടി സ്‌റ്റേഡിയത്തിലാണ് മത്സരം. അവസാന മത്സരത്തിലെ ടീമില്‍ ഒരു മാറ്റവുമില്ലാതെയാണ് ഇന്ത്യ ഇറങ്ങുന്നത്. മലയാളി വിക്കറ്റ് കീപ്പര്‍ സഞ്ജു സാംസണ് ഇന്നും പ്ലേയിങ് ഇലവനില്‍ സ്ഥാനമില്ല.
എന്നാൽ ആരോണ്‍ ജോണ്‍സിന്റെ ക്യാപ്റ്റന്‍സിയിലാണ് യുഎസ്ഇഎ ന്ത്യയ്‌ക്കെതിരെ ഇറങ്ങുന്നത്. രണ്ട് മാറ്റങ്ങളാണ് അമേരിക്ക ടീമില്‍ വരുത്തിയത്. ക്യാപ്റ്റൻ മൊനാങ്ക് പട്ടേലിന് പകരം ഷയാന്‍ ജഹാങ്കീറും നോസ്തുഷ് കെഞ്ചിഗെയ്ക്ക് പകരം ഷെയ്ഡ്‌ലി വാന്‍ ഷാല്‍ക്വിക്ക് ടീമിലെത്തി.
ഇന്ത്യ പ്ലേയിങ് ഇലവന്‍ ഇങ്ങിനെ :
രോഹിത് ശർമ്മ (ക്യാപ്റ്റന്‍), വിരാട് കോഹ്ലി, ഋഷഭ് പന്ത് (വിക്കറ്റ് കീപ്പർ), സൂര്യകുമാർ യാദവ്, ശിവം ദുബെ, ഹാർദിക് പാണ്ഡ്യ, രവീന്ദ്ര ജഡേജ, അക്സർ പട്ടേൽ, ജസ്പ്രീത് ബുംറ, അർഷ്ദീപ് സിങ്, മുഹമ്മദ് സിറാജ്.
