സെഞ്ച്വറി നേടിയ സ്മൃതി മന്ദാന; ന്യൂസിലാന്‍ഡിനെതിരായ ഏകദിന പരമ്പര സ്വന്തമാക്കി ഇന്ത്യന്‍ വനിതകള്‍
ന്യൂസിലാന്‍ഡിനെതിരെ നടന്ന മൂന്ന് മത്സരങ്ങളുടെ ഏകദിന പരമ്പര സ്വന്തമാക്കി ഇന്ത്യന്‍ വനിതാ ക്രിക്കറ്റ് റീമ ഇന്ന് . അഹമ്മദാബാദ് നരേന്ദ്ര മോദി സ്‌റ്റേഡിയത്തില്‍ നടന്ന മൂന്നാം ഏകദിനത്തില്‍ ന്യൂസിലന്‍ഡിനെ ആറ് വിക്കറ്റിന് പരാജയപ്പെടുത്തിയാണ് ഇന്ത്യ പരമ്പര പിടിച്ചെടുത്തത്.
ആദ്യ ഏകദിനത്തില്‍ ഇന്ത്യ 59 റണ്‍സിന് ജയിച്ചപ്പോള്‍ രണ്ടാം ഏകദിനത്തില്‍ 76 റണ്‍സിന്റെ വിജയവുമായി സന്ദര്‍ശകര്‍ തിരിച്ചടിച്ചു. പരമ്പര വിജയികളെ തീരുമാനിക്കുന്ന ഇന്നത്തെ പോരാട്ടത്തിൽ വിജയം പിടിച്ചെടുത്താണ് ഹര്‍മന്‍പ്രീത് കൗറും സംഘവും പരമ്പര സ്വന്തമാക്കിയത്.
ടോസ് ലഭിച്ചു ബാറ്റിങ് ആരംഭിച്ച കിവീസ് ടീമിനെ 49.5 ഓവറില്‍ 232 റണ്‍സിന് ഓള്‍ഔട്ടാക്കിയ ഇന്ത്യ 44.2 ഓവറില്‍ നാല് വിക്കറ്റ് നഷ്ടത്തില്‍ വിജയത്തിലെത്തിതുകയായിരുന്നു . സെഞ്ച്വറി നേടിയ സ്മൃതി മന്ദാനയുടെയും അർധ സെഞ്ച്വറി നേടിയ ക്യാപ്റ്റൻ ഹർമൻപ്രീതിന്റെയും മികച്ച ഇന്നിങ്സിന്റെ മികവിലാണ് ഇന്ത്യ വിജയലക്ഷ്യം മറികടന്നത്. ബൗളിങ്ങിൽ മൂന്ന് വിക്കറ്റ് വീഴ്ത്തി ദീപ്തി ശർമയും നിർണായക പ്രകടനം കാഴ്ചവെച്ചു.
