വിവാഹമോചനം കഴിഞ്ഞിട്ട് മാസങ്ങളായി; സാനിയ മിർസ പറയുന്നു

മുൻ പാക് ക്രിക്കറ്റ് താരം ഷുഹൈബ് മാലിക്കുമായുള്ള വിവാഹമോചനത്തിൽ ഇതാദ്യമായി പ്രതികരണവുമായി സാനിയ മിർസ. താനും ഷുഹൈബ് മാലിക്കുമായി വിവാഹമോചനം നടന്നിട്ട് മാസങ്ങളായെന്നാണ് സാനിയയുടെ പ്രതികരണം. വിഷയത്തില്‍ അഭ്യൂഹങ്ങള്‍ പ്രചരിപ്പിക്കരുതെന്നും മാലിക്കിന് ആശംസകള്‍ നേരുന്നുവെന്നും സാനിയ സോഷ്യൽ മീഡിയയിൽ പ്രതികരിച്ചു.

ഈ വിവാഹമോചനത്തിന് താൻ തന്നെയാണ് മുന്‍കൈയെടുത്തത്. ‌താന്‍ എപ്പോഴും സ്വകാര്യ ജീവിതം രഹസ്യമായി സൂക്ഷിച്ചിരുന്നു. പക്ഷെ ഇപ്പോൾ ഇതിൽ പ്രതികരിക്കേണ്ടതായി വന്നിരിക്കുന്നതായും സാനിയ പ്രസ്താവനയിൽ വ്യക്തമാക്കി. അഞ്ച് വയസുകാരനായ മകൻ ഇസാൻ സാനിയയ്ക്കൊപ്പം ജീവിക്കും.

കഴിഞ്ഞദിവസം ഷുഹൈബ് മാലിക്ക് സോഷ്യൽ മീഡിയയിലൂടെ പങ്കുവെച്ച ചിത്രങ്ങളിലൂടെയാണ് ആരാധകര്‍ താരത്തിന്‍റെ വിവാഹ വാര്‍ത്ത അറിഞ്ഞത്. പാക് നടി സന ജാവേദാണ് മാലികിന്റെ പങ്കാളി.