ഭാരത് ജോഡോ യാത്രയ്ക്ക് മുന്നോടിയായി ജമ്മു കാശ്മീർ കോൺഗ്രസ് വക്താവ് രാജിവെച്ചു
ഭാരത് ജോഡോ യാത്ര ജനുവരി 20 ന് ജമ്മു കാശ്മീരിലേക്കു പ്രവേശിക്കാനിരിക്കെ ജമ്മു കാശ്മീർ കോൺഗ്രസ് വക്താവ് രാജിവെച്ചു. ജമ്മു കശ്മീർ വക്താവ് ദീപിക പുഷ്‌കർ നാഥ് ആണ് രാജിവെച്ചത്. രാഹുൽ ഗാന്ധിയുടെ ഭാരത് ജോഡോ യാത്രയിൽ ചേരാൻ മുൻ ബിജെപി നേതാവും മന്ത്രിയുമായ ചൗധരി ലാൽ സിംഗിനെ സംസഥാന ഘടകം അനുവദിച്ചതിൽ പ്രതിശേഷിച്ചാണ് രാജി.
എട്ടുവയസ്സുകാരിയായ നാടോടികളായ വിദ്യാർത്ഥികളെ ബാലത്സംഗം ചെയ്തവരെ പിന്തുണച്ച കത്വ ബാലത്സംഗക്കേസ് അട്ടിമറിച്ചതിന് ഉത്തരവാദിയായ ചൗധരി ലാൽ സിംഗിനെ ഭാരത് ജോഡോ യാത്രയിൽ ചേരാൻ അനുവദിച്ചതിനാൽ പാർട്ടി വിടുന്നു എന്നാണു പുഷ്‌കർ നാഥ് ട്വിറ്ററിൽ കുറിച്ചത്.
രണ്ട് തവണ എംപിയും മൂന്ന് തവണ എംഎൽഎയുമായ ശ്രീ സിംഗ് 2014 ലാണ് കോൺഗ്രസിൽ നിന്ന് ബിജെപിയിലേക്ക് മാറിയത്. ദേശീയ പാർട്ടി സഖ്യത്തിൽ നിന്ന് പിന്മാറിയതിനെത്തുടർന്ന് 2018 ജൂണിൽ തകർന്ന പിഡിപി-ബിജെപി സർക്കാരിലും മന്ത്രിയായിരുന്നു.
2018 ജനുവരിയിൽ കത്വ ബലാത്സംഗക്കേസ് പ്രതികളെ പിന്തുണച്ചുള്ള റാലിയിൽ പങ്കെടുത്തതിനെച്ചൊല്ലിയുണ്ടായ കോലാഹലത്തെത്തുടർന്ന്, ഗവൺമെന്റ് വീഴുന്നതിന് ഏതാനും മാസങ്ങൾക്ക് മുമ്പ്, സിംഗ് ബി.ജെ.പിയിൽ നിന്ന് രാജിവെക്കുകയും ദോഗ്ര സ്വാഭിമാൻ സംഗതൻ പാർട്ടി (ഡി.എസ്.എസ്.പി) രൂപീകരിക്കുകയും ചെയ്തു.
ഭാരത് ജോഡോ യാത്ര ജനുവരി 19 ന് ജമ്മു കേന്ദ്രത്തിൽ പ്രവേശിക്കും, അവിടെ ഫാറൂഖ് അബ്ദുള്ള, ഒമർ അബ്ദുള്ള സഞ്ജയ് റൗട്ട്, എം വൈ തരിഗാമി, മെഹബൂബ മുഫ്തി എന്നിവർ വിവിധ സ്ഥലങ്ങളിൽ യാത്രയിൽ ചേരും.
