‘നുണക്കുഴി’ ; വീണ്ടും ബേസിൽ ജോസഫ്‌നിഖില വിമൽ കോംബോ എത്തുന്നു

വളരെ ചെറിയ കാലയളവിനുള്ളിൽ ചുരുക്കം കഥാപാത്രങ്ങളിലൂടെ പ്രേക്ഷകരെ വിസ്മയിപ്പിച്ച പ്രിയതാരങ്ങളാണ് ബേസിൽ ജോസഫും നിഖില വിമലും. ‘ഗുരുവായൂരമ്പലനടയിൽ’സിനിമയിലെ ജോഡി അഭിനയത്തിന് ശേഷം ജീത്തു ജോസഫിന്റെ ഔട്ട് ആന്റ് ഔട്ട് കോമഡി ഫാമിലി എന്റർടെയ്‌നർ സിനിമയായ ‘നുണക്കുഴി’യിലൂടെ ഇവർ വീണ്ടും സ്‌ക്രീനിൽ ഒരുമിച്ച് പ്രത്യക്ഷപ്പെടാൻ ഒരുങ്ങുകയാണ് .

സംവിധായകൻ ജീത്തു ജോസഫിന്റെ മുൻ സിനിമകളിൽ നിന്നും വ്യത്യസ്തത പുലർത്തി ഒരുങ്ങുന്ന ഈ ചിത്രത്തിൽ ബേസിലിന്റെ നായികയായ് എത്തുന്നത് ഗ്രേസ് ആന്റണിയാണ്. നർമ്മം കലർന്ന സിദ്ദിഖ്, മനോജ് കെ. ജയൻ, ബൈജു സന്തോഷ്, അജു വർഗീസ്, സൈജു കുറുപ്പ്, അൽത്താഫ് സലിം എന്നിവരും ചിത്രത്തിലുണ്ട്

ഓഗസ്റ്റ് 15നാണ് ‘നുണക്കുഴി’ റിലീസ് ചെയ്യുന്നത്. ‘ട്വെൽത്ത് മാൻ’, ‘കൂമൻ’ എന്നിവയുടെ തിരക്കഥ രചിച്ച കെ.ആർ. കൃഷ്ണകുമാറാണ് ഈ ചിത്രത്തിന്റെയും തിരക്കഥാകൃത്ത്.