കാസർകോട് അധ്യാപികയ്ക്ക് ക്ലാസ് മുറിയില്‍ വെച്ച് പാമ്പുകടിയേറ്റു
13 September 2024
കാസര്‍കോട് ജില്ലയിലെ നീലേശ്വരം രാജാസ് ഹൈസ്‌കൂളിൽ അധ്യാപികയ്ക്ക് ക്ലാസ് മുറിയില്‍ വെച്ച് പാമ്പുകടിയേറ്റു. നീലേശ്വരം സ്വദേശിനിയായ വിദ്യയെ ആണ് പാമ്പ് കടിച്ചത്. ഇന്ന് രാവിലെയായിരുന്നു സംഭവം.
അധ്യാപികയുടെ കാലിനാണ് പാമ്പ് കടിയേറ്റത്. ഇവരെ ഉടൻതന്നെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചു. വിഷം ഇല്ലാത്ത പാമ്പാണ് കടിച്ചത് എന്നാണ് പ്രാഥമിക നിഗമനം. സംഭവത്തിന്റെ കൂടുതല്‍ വിവരങ്ങള്‍ പുറത്ത് വന്നിട്ടില്ല.
