കിഷ്കിന്ധാ കാണ്ഡം ; കഴിഞ്ഞ 24 മണിക്കൂറിൽ വിറ്റുപോയത് ഒന്നര ലക്ഷത്തോളം ടിക്കറ്റുകൾ; രണ്ടാമത് എ ആർ എം

ആസിഫ് അലിയും അപർണ ബാലമുരളിയും പ്രധാന വേഷങ്ങളിൽ എത്തിയ കിഷ്കിന്ധാ കാണ്ഡം എന്ന സിനിമ ഇപ്പോൾ തിയേറ്ററുകളിൽ വിജയകരമായി പ്രദർശനം തുടരുകയാണ്. റിലീസ് ചെയ്ത് രണ്ടാഴ്ച പിന്നിടുമ്പോൾ ടിക്കറ്റ് വില്പനയിൽ ഒന്നാം സ്ഥാനത്താണ് ചിത്രം.

ഓൺലൈൻ പ്ലാറ്റ്‌ഫോമായ ബുക്ക് മൈ ഷോ പുറത്ത് വിട്ട റിപ്പോർട്ടുകൾ പ്രകാരം അവസാന 24 മണിക്കൂറിൽ ഒന്നര ലക്ഷത്തോളം ടിക്കറ്റുകളാണ് ചിത്രത്തിന്റേതായി വിറ്റു പോയിരിക്കുന്നത്. അതേസമയം, തൊണ്ണൂറ്റി ഒമ്പതിനായിരം ടിക്കറ്റുകൾ വിറ്റുകൊണ്ട് ടൊവിനോ തോമസ് നായകനായ എ ആർ എം രണ്ടാം സ്ഥാനത്തുണ്ട്. ബോളിവുഡ് സിനിമ സ്ത്രീ 2 ആണ് മൂന്നാം സ്ഥാനത്ത്. എഴുപത്തി മൂവായിരം ടിക്കറ്റുകളാണ് ചിത്രത്തിന്റേതായി വിറ്റു പോയിരിക്കുന്നത്.