ഭൂമി തർക്കം; യുപിയിൽ വിരമിച്ച സൈനികൻ ദളിതനെ വെടിവച്ചു കൊന്നു
യുപിയിൽ ഭൂമി തർക്കത്തിൻ്റെ പേരിൽ വിരമിച്ച സൈനികൻ ദളിതനെ വെടിവെച്ച് കൊന്നതായി പോലീസ് പറഞ്ഞു. ഉമ്രി ബേഗംഗഞ്ച് പോലീസ് സ്റ്റേഷൻ പരിധിയിലെ ഒരു ഗ്രാമത്തിൽ താമസിക്കുന്ന വിരമിച്ച സൈനികനായ അരുൺ സിംഗ്, പട്ടികജാതി വിഭാഗത്തിൽപ്പെട്ട രമേഷ് ഭാരതി (46) എന്നയാളുമായി ഒരു ഭൂമിയുമായി ബന്ധപ്പെട്ട തർക്കത്തിൽ ഏർപ്പെട്ടിരുന്നതായി പോലീസ് സൂപ്രണ്ട് വിനീത് ജയ്‌സ്വാൾ പറഞ്ഞു.
കഴിഞ്ഞ ദിവസം വൈകുന്നേരം തരബ്ഗഞ്ച് പോലീസ് സ്റ്റേഷൻ പരിധിക്ക് കീഴിലുള്ള പക്രി ദുബെ ഗ്രാമത്തിന് സമീപം രമേശിനെ അരുൺ സിംഗ് വളയുകയും വെടിയുതിർക്കുകയും സംഭവസ്ഥലത്ത് വെച്ച് തന്നെ കൊല്ലുകയും ചെയ്തുവെന്ന് ജയ്‌സ്വാൾ പറഞ്ഞു. സംഭവത്തെക്കുറിച്ച് വിവരം ലഭിച്ചയുടൻ മുതിർന്ന പോലീസ് ഉദ്യോഗസ്ഥർ ഫോറൻസിക് സംഘവും സ്ഥലത്തെത്തി മൃതദേഹം പോസ്റ്റ്‌മോർട്ടത്തിനായി ജില്ലാ ആസ്ഥാനത്തേക്ക് അയച്ചതായി എസ്പി പറഞ്ഞു.
ഇരയുടെ മകൻ നൽകിയ പരാതിയുടെ അടിസ്ഥാനത്തിൽ ലോക്കൽ പോലീസ് സ്‌റ്റേഷനിൽ കൊലക്കേസ് രജിസ്റ്റർ ചെയ്യുകയും പ്രതികളെ പിടികൂടാൻ ഒന്നിലധികം സംഘങ്ങൾ രൂപീകരിക്കുകയും ചെയ്‌തിട്ടുണ്ടെന്നും ഉദ്യോഗസ്ഥർ കൂട്ടിച്ചേർത്തു.
