പിഎംഎവൈ ഫണ്ട് ഉപയോഗിച്ച് നിർമ്മിക്കുന്ന വീടുകളിൽ ലോഗോ നിർബന്ധമായും പ്രദർശിപ്പിക്കണം: കേന്ദ്രമന്ത്രി
പ്രധാനമന്ത്രി ആവാസ് യോജനയുടെ (പിഎംഎവൈ) കീഴിലുള്ള ഫണ്ട് ഉപയോഗിച്ച് നിർമ്മിക്കുന്ന വീടുകളിൽ ലോഗോ നിർബന്ധമായും പ്രദർശിപ്പിക്കണമെന്ന് കേന്ദ്ര ഭവന, നഗരകാര്യ സഹമന്ത്രി തോഖൻ സാഹു. 2023 ഒക്ടോബർ 31 വരെ, ലൈഫ് മിഷൻ പദ്ധതിക്ക് കീഴിൽ ആകെ 3,56,108 വീടുകളാണ് പൂർത്തീകരിച്ചത്, അതിൽ PMAY-അർബൻ സ്കീമിന് കീഴിലുള്ള 79,860 ഉം സ്കീമിന് കീഴിലുള്ള 32,171 വീടുകളും ഉൾപ്പെടുന്നു.
അതേസമയം, നഗരപദ്ധതിക്ക് കേന്ദ്രസർക്കാർ വിഹിതം ഒന്നരലക്ഷം രൂപയും ഗ്രാമീണ പദ്ധതിക്ക് 72,000 രൂപയുമാണ്. സാമ്പത്തികമായി പിന്നാക്കം നിൽക്കുന്ന നാല് വ്യത്യസ്ത വിഭാഗങ്ങളിലുള്ളവർക്ക് കേന്ദ്രസർക്കാർ നൽകുന്ന ഭവന നിർമ്മാണ സഹായമാണ് പ്രധാനമന്ത്രി ആവാസ് യോജന.
ചേരി പുനർവികസനത്തിന് ഒരു ലക്ഷം രൂപയും സ്വന്തമായി വീട് നിർമിക്കുന്ന ഗുണഭോക്താക്കൾക്ക് 1.5 ലക്ഷം രൂപയും വീട് വെക്കാൻ വായ്പയെടുക്കുന്നവർക്ക് സബ്‌സിഡിയായി 2.67 ലക്ഷം രൂപയും ഉൾപ്പെടുന്നതാണ് സഹായം.
