സിവില് സപ്ലൈസ് കോര്പറേഷന്റെ വിപണി ഇടപെടല് പ്രവര്ത്തനങ്ങള്; 100 കോടി രൂപ അനുവദിച്ചതായി മന്ത്രി കെ എന് ബാലഗോപാല്
![single-img](https://www.evartha.in/wp-content/themes/nextline_evartha_v2/images/footer_logo.png)
15 July 2024
![](https://www.evartha.in/wp-content/uploads/2022/12/kn-balagopal.gif)
വിലക്കയറ്റം പിടിച്ചു നിർത്തുന്നതിനുള്ള സംസ്ഥാന സിവില് സപ്ലൈസ് കോര്പറേഷന് വിപണി ഇടപെടല് പ്രവര്ത്തനങ്ങള്ക്കായി 100 കോടി രൂപ അനുവദിച്ചതായി ധന മന്ത്രി കെ എന് ബാലഗോപാല് അറിയിച്ചു.
സാധാരണക്കാരുടെ അവശ്യ നിത്യോപയോഗ സാധനങ്ങള് 35 ശതമാനം വരെ വില കുറച്ച് സപ്ലൈകോ സ്റ്റോറുകള് വഴി വിതരണം ചെയ്യുന്നതിനാണ് തുക അനുവദിച്ചത്.
അടുത്തുതന്നെ വരുന്ന ഓണത്തിനു മുന്നോടിയായി സാധനങ്ങള് എത്തിക്കുന്ന സപ്ലൈയര്മാര്ക്ക് തുക നല്കുന്നതിനടക്കം ഈ തുക വിനിയോഗിക്കാനാകും. വിപണി ഇടപടലിന് ഈ സാമ്പത്തിക വര്ഷത്തെ ബജറ്റ് വകയിരുത്തല് 205 കോടി രൂപയാണ്. കഴിഞ്ഞ സാമ്പത്തിക വര്ഷം ഇതേ ആവശ്യത്തിനായി ബജറ്റിലെ വകയിരുത്തല് 205 കോടി രൂപ ആയിരുന്നുവെങ്കിലും 391 കോടി രൂപ അനുവദിച്ചിരുന്നു.