ദുരന്തത്തിനിരയായ എല്ലാവർക്കും എൻ്റെ നെഞ്ചുലഞ്ഞുള്ള പ്രാർത്ഥനകൾ; കുവൈറ്റ് ദുരന്തത്തിൽ മോഹൻലാൽ

കുവൈറ്റിൽ തൊഴിലാളി ക്യാംമ്പിലുണ്ടായ തീപിടിത്തത്തിൽ ജീവൻ നഷ്ടമായതിൽ അനുശോചിച്ച് നടന്മാരായ മോഹൻലാലും ,മമ്മൂട്ടിയും. ദുരന്തത്തിൽ താനും തന്റെ പ്രാർത്ഥനയും താനും ഒപ്പമുണ്ട് എന്നും മോഹൻലാൽ ഫേസ്ബുക്ക് പോസ്റ്റിലൂടെ അനുശോചനം പങ്കുവെച്ചു.

‘കുവൈറ്റ് തീപിടുത്തത്തിൽ ദുരന്തത്തിനിരയായ എല്ലാവർക്കും എൻ്റെ നെഞ്ചുലഞ്ഞുള്ള പ്രാർത്ഥനകൾ. ഈ വലിയ ദുരന്തത്തിൽ ഞാൻ നിങ്ങളോടൊപ്പമുണ്ട്. വാക്കുകൾക്ക് വേദനയെ സുഖപ്പെടുത്താൻ കഴിയില്ല, പക്ഷേ ഞങ്ങളെല്ലാവരും ഒപ്പമുണ്ടാകും,’ മോഹൻലാൽ കുറിച്ചു.

‘കുവൈറ്റ് തീപിടിത്തത്തിൽ മരിച്ചവരുടെ കുടുംബങ്ങൾക്ക് ഹൃദയം നിറഞ്ഞ അനുശോചനം രേഖപ്പെടുത്തുന്നു. ഈ വിഷമഘട്ടത്തിൽ നിങ്ങൾ ധൈര്യം സംഭരിക്കാനും ആശ്വാസം കണ്ടെത്താനും ഞാൻ പ്രാർത്ഥിക്കുന്നു’- മമ്മൂട്ടി എഴുതി.