ഇനി ബിജെപി വക്താവല്ല; സന്ദീപ് വാര്യർ കോൺ​ഗ്രസിലേക്ക്; ഷാൾ അണിയിച്ച് കെ സുധാകരൻ

ബിജെപി വക്താവ് സന്ദീപ് വാര്യർ കോൺ​ഗ്രസിലേക്ക്. പാലക്കാട് നടന്ന കെപിസിസി വാർത്താ സമ്മേളനത്തിലാണ് കെ.സുധാകരൻ സന്ദീപ് വാര്യറെ പാർ‌ട്ടിയിലേക്ക് സ്വാ​ഗതം ചെയ്തത്. സന്ദീപ് വാര്യറും വാർത്താ സമ്മേളനത്തിൽ പങ്കെടുത്തിരുന്നു. പ്രതിപക്ഷ നേതാവ് വി.ഡി സതീശൻ, കെ.പി.സി.സി പ്രസിഡന്റ് കെ. സുധാകരൻ തുടങ്ങി കോൺ​ഗ്രസിലെ മുതിർന്ന നേതാക്കൾ വാർത്താ സമ്മേളനത്തിൽ പങ്കെടുത്തിരുന്നു.

നേരത്തെ ബിജെപിയുമായി ഇടഞ്ഞ സന്ദീപ് പാർട്ടി വിടുമെന്ന് സൂചനയുണ്ടായിരുന്നു . പാലക്കാടും ചേലക്കരയിലും സന്ദീപ് പ്രചാരണത്തിൽ സജീവമല്ലായിരുന്നു. പാലക്കാട് തെരഞ്ഞെടുപ്പ് പ്രഖ്യാപിച്ചപ്പോൾ സന്ദീപ് വാര്യർ സജീവമായി രംഗത്തുണ്ടായിരുന്നു. എന്നാൽ സി കൃഷ്ണകുമാറിന്റെ കൺവൻഷനിൽ സന്ദീപ് വാര്യർക്ക് ഇരിപ്പിടം കിട്ടിയിരുന്നില്ല. ഇതേത്തുടർന്നാണ് സന്ദീപ് അതൃപ്തിയിലായതെന്നാണ് വിവരം പുറത്ത് വന്നത്.