ഈജിപ്തിൽ കടലിൽ വാതക നിക്ഷേപം കണ്ടെത്തി; ശേഖരത്തിന്റെ അളവ് വിലയിരുത്തുന്നു
കിഴക്കൻ മെഡിറ്ററേനിയൻ കടലിലെ നർഗിസ് ഓഫ്‌ഷോർ ഏരിയ കൺസഷനിൽ സ്ഥിതി ചെയ്യുന്ന നർഗിസ് -1 പര്യവേക്ഷണ കിണറിൽ ഈജിപ്തിൽ പുതിയ ഓഫ്‌ഷോർ വാതക നിക്ഷേപം കണ്ടെത്തിയതായി ഇറ്റാലിയൻ എനർജി മേജർ എനി പ്രഖ്യാപിച്ചു
ഈജിപ്തിലെ 1,800 ചതുരശ്ര കിലോമീറ്റർ വിസ്തൃതിയുള്ള നർഗീസ് ഓഫ്‌ഷോർ ഏരിയ കൺസഷൻ യു.എസ് ഓയിൽ ആൻഡ് ഗ്യാസ് ഭീമൻ ഷെവ്‌റോൺ നടത്തുന്നതിന്റെ ഭാഗമാണ് നർഗീസ്-1 കിണർ. രണ്ട് കമ്പനികൾക്കും പര്യവേക്ഷണ പദ്ധതിയിൽ 45% ഓഹരിയുണ്ട്, അതേസമയം 10% ഓഹരി ഈജിപ്തിലെ തർവ പെട്രോളിയം കമ്പനിയായ SAE യുടെതാണ്.
ഈ പര്യവേഷണ കിണറിലെ കരുതൽ ശേഖരത്തിന്റെ അളവ് വിലയിരുത്തുകയാണ് എന്ന് ഈജിപ്തിന്റെ സർക്കാർ ഉടമസ്ഥതയിലുള്ള EGAS പറഞ്ഞു, എത്രയും വേഗം ഉൽപ്പാദനം ആരംഭിക്കാൻ ഷെവ്റോണും മറ്റ് പങ്കാളികളുമായി പ്രവർത്തിക്കുമെന്ന് കൂട്ടിച്ചേർത്തു. 1954 മുതൽ ഈജിപ്തിൽ എനി നിലവിലുണ്ട്. അവിടെ അത് സബ്സിഡിയറി ഐഇഒസി വഴി പ്രവർത്തിക്കുന്നു.
കമ്പനി നിലവിൽ രാജ്യത്തെ മുൻനിര വിതരണക്കാരാണ് . നർഗീസ്-1 ലെ പുതിയ കണ്ടെത്തൽ “എനിയുടെ നിലവിലുള്ള സൗകര്യങ്ങളുടെ സാമീപ്യം പ്രയോജനപ്പെടുത്തി വികസിപ്പിക്കാൻ കഴിയും,” ഗ്രൂപ്പ് പ്രസ്താവനയിൽ പറഞ്ഞു.
നിലവിൽ ഈജിപ്തിൽ ഏകദേശം 2.21 ട്രില്യൺ ക്യുബിക് മീറ്റർ തെളിയിക്കപ്പെട്ട വാതക ശേഖരം ഉണ്ട്. 2021 ൽ 95 ബില്യൺ ക്യുബിക് മീറ്ററിലധികം ഉൽപ്പാദിപ്പിച്ചു. കിഴക്കൻ മെഡിറ്ററേനിയനിൽ 2015 ൽ 850 ബില്യൺ ക്യുബിക് മീറ്ററുമായി ഭീമൻ സോർ ഫീൽഡ് കണ്ടെത്തിയതിനെത്തുടർന്ന് രാജ്യം വാതക ഉൽപ്പാദകനെന്ന നിലയിൽ അതിന്റെ സ്ഥാനം ശക്തിപ്പെടുത്തി.
