ഒരു കുടുംബത്തിന് ഒരു നായ മാനദണ്ഡം ; ഉത്തരവിന് സ്റ്റേയുമായി പഞ്ചാബ്, ഹരിയാന ഹൈക്കോടതി
ഒരു കുടുംബത്തിന് ഒരു നായ എന്ന മാനദണ്ഡം എല്ലാവരും നിര്ബന്ധമായി പാലിക്കണമെന്ന ഗുരുഗ്രാം ഉപഭോക്തൃ സമിതിയുടെ ഉത്തരവ് പഞ്ചാബ്, ഹരിയാന ഹൈക്കോടതി സ്റ്റേ ചെയ്തു. നായയിൽ നിന്നും കടിയേറ്റ ഒരാൾ നഷ്ടപരിഹാരം ആവശ്യപ്പെട്ട് കോടതിയെ സമീപിച്ചതിനെ തുടർന്നാണ് നിർദ്ദേശം.
സംസ്ഥാനത്തെ എല്ലാ തെരുവ് നായ്ക്കളെയും കസ്റ്റഡിയിലെടുത്ത് പൗണ്ടിൽ ഇട്ടുകൊടുക്കാൻ നവംബറിൽ ഉപഭോക്തൃ കോടതി ഗുരുഗ്രാം മുനിസിപ്പൽ കോർപ്പറേഷനോട് ഉത്തരവിട്ടു. മാത്രമല്ല, നായയുടെ ഉടമകൾ അവരുടെ വളർത്തുമൃഗങ്ങളെ രജിസ്റ്റർ ചെയ്യാനും പൊതുസ്ഥലങ്ങളിൽ നായ്ക്കളെ പുറത്തെടുക്കുമ്പോൾ അവയെ കെട്ടഴിക്കരുതെന്നും കോടതി നിർദ്ദേശിച്ചിട്ടുണ്ട്.
നായ ആരെയും കടിക്കുന്നില്ലെന്ന് ഉറപ്പാക്കാൻ അവരോട് ആവശ്യപ്പെട്ടിട്ടു. കൂടാതെ നായയുടെ വേസ്റ്റ് കോരിയെടുക്കുന്നതിന് പരിസ്ഥിതി സൗഹൃദ ഡിസ്‌പോസിബിൾ ബാഗുകൾ കൈവശം വയ്ക്കാനും കോടതി നിർദ്ദേശിച്ചു.
ഉപഭോക്തൃ കോടതി പുറപ്പെടുവിച്ച ഉത്തരവുകൾ ഉപഭോക്തൃ സംരക്ഷണ നിയമം 2019 ന്റെ പരിധിക്കപ്പുറമാണെന്ന് കേസ് പരിഗണിക്കവേ ബെഞ്ച് പറഞ്ഞു. ജില്ലാ ഉപഭോക്തൃ തർക്ക പരിഹാര കമ്മീഷൻ ഗുരുഗ്രാം നവംബർ 15 ന് ഏകദേശം ഒരു ഡസനോളം വിദേശ നായ്ക്കളെ നിരോധിച്ചത് ഇവിടെ സ്മരണീയമാണ്. ഒരു നായയെ മാത്രം വളർത്താൻ ജനങ്ങളോട് കമ്മീഷൻ ആവശ്യപ്പെട്ടിരുന്നു.
