ഉമ്മന്‍ചാണ്ടിയുടെ വിഴിഞ്ഞം; ഫേസ്ബുക്ക് പോസ്റ്റുമായി ചാണ്ടി ഉമ്മന്‍
അന്തരിച്ച മുന്‍ മുഖ്യമന്ത്രിയും കോൺഗ്രസ് നേതാവുമായിരുന്ന ഉമ്മന്‍ചാണ്ടിയുടെ നിശ്ചയദാര്‍ഢ്യം കൊണ്ടാണ് വിഴിഞ്ഞം പദ്ധതി യാഥാര്‍ത്ഥ്യമായതെന്ന പ്രചാരണം കോണ്‍ഗ്രസ് പാർട്ടി ശക്തമാക്കുന്നതിനിടെ ഫേസ്ബുക്ക് പോസ്റ്റുമായി മകനും എംഎല്‍എയുമായ ചാണ്ടി ഉമ്മന്‍.
ചരിത്രദിനം എന്ന് പ്രതികരണമ് നടത്തിയ ചാണ്ടി ഉമ്മന്‍ ‘ഉമ്മന്‍ചാണ്ടിയുടെ വിഴിഞ്ഞം’ എന്നെഴുതിയ ചിത്രവും സോഷ്യ മീഡിയയി പങ്കുവെച്ചു. വിഴിഞ്ഞത്ത് മദര്‍ഷിപ്പിന് ഔദ്യോഗിക സ്വീകരണം നല്‍കുന്ന ചടങ്ങിലേക്ക് പ്രതിപക്ഷ നേതാവിനും എംപിക്കും ക്ഷണമില്ലാത്ത സാഹചര്യത്തില്‍ കൂടിയാണ് ചാണ്ടി ഉമ്മന്റെ ഈ പോസ്റ്റ്.
അതേസമയം വിഴിഞ്ഞം തുറമുഖത്തിന് ഉമ്മന്‍ചാണ്ടിയുടെ പേര് നല്‍കണമെന്ന ആവശ്യവുമായി കോണ്‍ഗ്രസ് ഇതിനകം രംഗത്തെത്തിയിട്ടുണ്ട്. ഉമ്മന്‍ചാണ്ടി മുഖ്യമന്ത്രിയായിരുന്നപ്പോഴാണ് വിഴിഞ്ഞം പദ്ധതിക്ക് തുടക്കമിട്ടത്. അതിനുശേഷം പിണറായി വിജയന്‍ സര്‍ക്കാരാണ് പദ്ധതി പൂര്‍ത്തിയാക്കിയത്. അതിനാലാണ് തുറമുഖത്തിന് ഉമ്മന്‍ ചാണ്ടിയുടെ പേര് നല്‍കണമെന്ന ആവശ്യവുമായി കോണ്‍ഗ്രസ് രംഗത്തെത്തിയിരിക്കുന്നത്. ഉമ്മന്‍ചാണ്ടിക്ക് ആദരം അര്‍പ്പിച്ച് ജില്ലാ ആസ്ഥാനങ്ങളില്‍ നാളെ യുഡിഎഫ് പ്രകടനവും സംഘടിപ്പിക്കും.
