അഴിമതിക്കാരായ ബിആർഎസ് നേതാക്കളെ ജയിലിലേക്ക് അയക്കുക എന്നതാണ് ഞങ്ങളുടെ തീരുമാനം; തെലങ്കാനയിൽ പ്രധാനമന്ത്രി മോദി

ബിജെപി തെലങ്കാനയെ ബിആർഎസിന്റെ പിടിയിൽ നിന്ന് കരകയറ്റുമെന്ന് ഉറപ്പിച്ച് പറഞ്ഞ പ്രധാനമന്ത്രി നരേന്ദ്ര മോദി, ഭരണകക്ഷിയിലെ അഴിമതിക്കാരായ നേതാക്കളെ ജയിലിലേക്ക് അയക്കുക എന്നത് തന്റെ പാർട്ടിയുടെ തീരുമാനമാണെന്ന് തിങ്കളാഴ്ച പറഞ്ഞു. “തെലങ്കാനയെ ബിആർഎസിന്റെ പിടിയിൽ നിന്ന് കരകയറ്റുക എന്നത് തങ്ങളുടെ ഉത്തരവാദിത്തമായി ബിജെപി പാർട്ടി കരുതുന്നു. കെസിആർ (മുഖ്യമന്ത്രി കെ ചന്ദ്രശേഖർ റാവു) ഇവിടെ എന്ത് അഴിമതി നടത്തിയാലും ബിജെപി അധികാരത്തിൽ വന്നാൽ അന്വേഷിക്കും”. മഹബൂബാബാദിൽ തിരഞ്ഞെടുപ്പ് റാലിയെ അഭിസംബോധന ചെയ്തുകൊണ്ട് അദ്ദേഹം പറഞ്ഞു.

തെലങ്കാനയിലെ ദരിദ്രരെയും യുവാക്കളെയും വഞ്ചിച്ചവരെ വെറുതെ വിടില്ലെന്നും അദ്ദേഹം ഉറപ്പുനൽകി. “ബിആർഎസിലെ അഴിമതിക്കാരെ ജയിലിലേക്ക് അയയ്ക്കുക എന്നതാണ് ഞങ്ങളുടെ ദൃഢനിശ്ചയം.” സംസ്ഥാനത്ത് മൂന്ന് ദിവസത്തെ പ്രചാരണത്തിനിടെ നിരവധി ആളുകളുമായി ഇടപഴകാൻ തനിക്ക് അവസരം ലഭിച്ചതായി ചൂണ്ടിക്കാട്ടിയ പ്രധാനമന്ത്രി, കെസിആറിന്റെ സർക്കാരിനെ പുറത്താക്കാൻ തെലങ്കാന ജനങ്ങൾ ഇതിനകം തന്നെ തീരുമാനിച്ചിട്ടുണ്ടെന്നും പറഞ്ഞു.