ബംഗ്ലാദേശിൽ ഓക്സിജൻ പ്ലാന്റ് പൊട്ടിത്തെറിച്ചു; ആറ് പേർ കൊല്ലപ്പെട്ടു; നിരവധി പേർക്ക് പരിക്ക്
4 March 2023
തെക്കുകിഴക്കൻ ബംഗ്ലാദേശിലെ ഓക്സിജൻ പ്ലാന്റിലുണ്ടായ സ്‌ഫോടനത്തെ തുടർന്ന് ശനിയാഴ്ചയുണ്ടായ തീപിടിത്തത്തിൽ ആറ് പേർ മരിക്കുകയും നിരവധി പേർക്ക് പരിക്കേൽക്കുകയും ചെയ്‌തതായി അധികൃതർ അറിയിച്ചു.
തുറമുഖ നഗരമായ ചിറ്റഗോങ്ങിൽ നിന്ന് 40 കിലോമീറ്റർ അകലെയുള്ള സീതകുണ്ഡയിലെ പ്ലാന്റിലാണ് അപകടമുണ്ടായത്. രണ്ട് കിലോമീറ്റർ ചുറ്റളവിൽ ഒരു വലിയ സ്‌ഫോടനം ഉണ്ടായതായി ദൃക്‌സാക്ഷികളെ ഉദ്ധരിച്ച് പോലീസ് ഉദ്യോഗസ്ഥൻ നയ്ഹനുൽ ബാരി പറഞ്ഞു.
ഇപ്പോഴും ഇവിടെ രക്ഷാപ്രവർത്തനം നടക്കുന്നതിനാൽ മരണസംഖ്യ ഉയരാൻ സാധ്യതയുണ്ടെന്ന് അവർ കൂട്ടിച്ചേർത്തു. അതേസമയം, എന്താണ് സ്‌ഫോടനത്തിന് കാരണമെന്ന് വ്യക്തമായിട്ടില്ലെന്ന് ഫയർ സർവീസ് ഉദ്യോഗസ്ഥർ പറഞ്ഞു. “സ്ഥലത്ത് നിന്ന് ആറ് മൃതദേഹങ്ങൾ കണ്ടെടുത്തു, രക്ഷാപ്രവർത്തനം തുടരുകയാണ്” പ്രാദേശിക സർക്കാർ ഉദ്യോഗസ്ഥൻ ഷഹാദത്ത് ഹുസൈൻ റോയിട്ടേഴ്സിനോട് പറഞ്ഞു.
