വയനാട്ടിലെ ജനങ്ങള്‍ക്ക് എന്റെ സഹോദരിയേക്കാള്‍ മികച്ച മറ്റൊരു നേതാവിനെ നിര്‍ദ്ദേശിക്കാനില്ല: രാഹുല്‍ ഗാന്ധി
വയനാട്ടിലെ ജനങ്ങള്‍ക്ക് തന്റെ സഹോദരി പ്രിയങ്കയേക്കാള്‍ മികച്ച നേതാവിനെ നിര്‍ദേശിക്കാനാകില്ലെന്ന് കോണ്‍ഗ്രസ് നേതാവും ലോക്സഭാ പ്രതിയപക്ഷ നേതാവുമായ രാഹുല്‍ ഗാന്ധി. വയനാടിന്റെ ആവശ്യങ്ങള്‍ക്ക് വേണ്ടി ശക്തമായി പൊരുതാനും പാര്‍ലമെന്റില്‍ വയനാടിന്റെ ശബ്ദമാകാനും പ്രിയങ്കയ്ക്ക് സാധിക്കുമെന്നും രാഹുല്‍ ഗാന്ധി എക്‌സില്‍ എഴുതി .
വയനാട്ടിലെ ജനങ്ങള്‍ക്ക് തന്റെ ഹൃദയത്തില്‍ പ്രത്യേക സ്ഥാനമുണ്ടെന്നും അവര്‍ക്ക് തന്റെ സഹോദരിയേക്കാള്‍ മികച്ച മറ്റൊരു നേതാവിനെ നിര്‍ദ്ദേശിക്കാനില്ലെന്നും രാഹുല്‍ ഗാന്ധി പറഞ്ഞു. വയനാട് ഇന്ന് തിരഞ്ഞെടുപ്പ് പ്രചാരണങ്ങള്‍ക്ക് തുടക്കം കുറിക്കാനൊരുങ്ങുകയാണ് കോണ്‍ഗ്രസ്.
ഇതിന്റെ ഭാഗമായി ദേശീയ നേതാക്കളായ രാഹുല്‍ ഗാന്ധി, സോണിയ ഗാന്ധി, മല്ലികാര്‍ജുന്‍ ഖാര്‍ഗെ എന്നിവരും വയനാട്ടിലെത്തുന്നുണ്ട്. ദീർഘമായ എട്ടര വര്‍ഷത്തിന് ശേഷമാണ് സോണിയ ഗാന്ധി തിരഞ്ഞെടുപ്പ് പ്രചാരണത്തിനായി കേരളത്തിലെത്തുന്നത്.
