ജയിക്കാനായി എന്ത് നെറികെട്ട കളിയും പുറത്തെടുക്കുന്ന ബിജെപിയെ ജനം തുരത്തും: ബിനോയ് വിശ്വം

സംസ്ഥാനത്തെ ഉപതെരഞ്ഞെടുപ്പ് വിജയത്തിനായി ബിജെപി എല്ലാ നെറികെട്ട കളിയും പുറത്തെടുക്കുമെന്നും ചാക്കിലെ കള്ളപ്പണമാണ് ബിജെപിയുടെ പുതിയ മുഖമെന്നും സിപിഐ സംസ്ഥാന സെക്രട്ടറി ബിനോയ് വിശ്വം.

കെട്ടുകണക്കിന് കള്ളപ്പണവുമായാണ് ബിജെപി ഇപ്പോൾ നടക്കുന്നത്. ജയിക്കാൻവേണ്ടി എന്ത് നെറികെട്ട കളിയും പുറത്തെടുക്കുന്ന ബിജെപിയെ ജനം തുരത്തും. ഈ കാര്യത്തിൽ സമഗ്രമായ അന്വേഷണം വേണം, പണം എവിടെ നിന്നു വന്നു? എങ്ങോട്ട് പോയി? എന്നതൊക്കെ അന്വേഷിക്കണമെന്നും അദ്ദേഹം ആവശ്യപ്പെട്ടു.

ഈ വിഷയത്തിലെ അന്വേഷണങ്ങളൊന്നും പാതി വഴിയിൽ വെച്ച് വഴി മാറി പോകരുത്. സ്ഥാനാർഥിക്ക് ഒളിച്ചു കടക്കാൻ ഉൾപ്പെടെ ആംബുലൻസാണ് ബിജെപി ഉപയോഗിച്ചിട്ടുള്ളത്. പണ്ട് വാജ്പേയി പറഞ്ഞ ബിജെപി അല്ല ഇന്നത്തെ ബിജെപിയെന്നും ബിനോയ് വിശ്വം കൂട്ടിച്ചേർത്തു.