ഡൊണാൾഡ് ട്രംപിനെതിരായ ആക്രമണത്തെ അപലപിച്ച് പ്രധാനമന്ത്രി മോദിയും രാഹുൽ ഗാന്ധിയും
രാഷ്ട്രീയത്തിൽ അക്രമത്തിന് സ്ഥാനമില്ലെന്ന് പറഞ്ഞുകൊണ്ട് റിപ്പബ്ലിക്കൻ പ്രസിഡൻ്റ് സ്ഥാനാർത്ഥി ഡൊണാൾഡ് ട്രംപിനെതിരായ ആക്രമണത്തെ പ്രധാനമന്ത്രി നരേന്ദ്ര മോദി അപലപിച്ചു. “എൻ്റെ സുഹൃത്ത് മുൻ പ്രസിഡൻ്റ് ഡൊണാൾഡ് ട്രംപിന് നേരെയുണ്ടായ ആക്രമണത്തിൽ അഗാധമായ ആശങ്കയുണ്ട്. സംഭവത്തെ ശക്തമായി അപലപിക്കുന്നു. രാഷ്ട്രീയത്തിലും ജനാധിപത്യത്തിലും അക്രമത്തിന് സ്ഥാനമില്ല. അദ്ദേഹം വേഗത്തിൽ സുഖം പ്രാപിക്കട്ടെ എന്ന് ആശംസിക്കുന്നു,” പ്രധാനമന്ത്രി എക്‌സിൽ പറഞ്ഞു.
ഞങ്ങളുടെ ചിന്തകളും പ്രാർത്ഥനകളും മരിച്ചവരുടെ കുടുംബത്തിനും പരിക്കേറ്റവർക്കും അമേരിക്കൻ ജനതയ്ക്കും ഒപ്പമുണ്ടെന്ന് അദ്ദേഹം പറഞ്ഞു. പെൻസിൽവാനിയയിൽ നടന്ന പ്രചാരണ റാലിയിൽ മുൻ യുഎസ് പ്രസിഡൻ്റ് ട്രംപിൻ്റെ വലതു ചെവിക്ക് വെടിയേറ്റെങ്കിലും ആക്രമണത്തെ അതിജീവിച്ചു
മുൻ യുഎസ് പ്രസിഡൻ്റ് ഡൊണാൾഡ് ട്രംപിനെതിരായ വധശ്രമത്തിൽ ലോക്‌സഭയിലെ പ്രതിപക്ഷ നേതാവ് രാഹുൽ ഗാന്ധി ഞായറാഴ്ച അഗാധമായ ഉത്കണ്ഠ രേഖപ്പെടുത്തി, അത്തരം പ്രവൃത്തികളെ ശക്തമായി അപലപിക്കേണ്ടതുണ്ടെന്ന് പറഞ്ഞു.
“മുൻ അമേരിക്കൻ പ്രസിഡൻ്റ് ഡൊണാൾഡ് ട്രംപിനെതിരായ വധശ്രമത്തിൽ ഞാൻ അതീവ ഉത്കണ്ഠാകുലനാണ്. ഇത്തരം പ്രവൃത്തികളെ ശക്തമായി അപലപിക്കേണ്ടതുണ്ട്,” എക്‌സിലെ ഒരു പോസ്റ്റിൽ
രാഹുൽ ഗാന്ധി പറഞ്ഞു.
