ഓസ്‌ട്രേലിയക്കെതിരെ ഇന്ത്യൻ അണ്ടർ 19 ടീമിൽ രാഹുൽ ദ്രാവിഡിന്റെ മകൻ സമിത് ദ്രാവിഡും
31 August 2024
മുൻ ഇന്ത്യൻ ക്യാപ്റ്റനും മുഖ്യ പരിശീലകനുമായ രാഹുൽ ദ്രാവിഡിൻ്റെ മകൻ സമിത് ദ്രാവിഡിനെ ഓസ്‌ട്രേലിയയ്‌ക്കെതിരായ വരാനിരിക്കുന്ന മൾട്ടി ഫോർമാറ്റ് പരമ്പരയ്ക്കുള്ള ഇന്ത്യൻ അണ്ടർ 19 ടീമിലേക്ക് തെരഞ്ഞെടുത്തു.
സെപ്റ്റംബർ 21, 23, 26 തീയതികളിൽ പുതുച്ചേരിയിൽ നടക്കുന്ന മൂന്ന് മത്സരങ്ങളുടെ ഏകദിന പരമ്പരയിൽ ഉത്തർപ്രദേശിൻ്റെ മുഹമ്മദ് അമാനാണ് ഇന്ത്യയെ നയിക്കുന്നത്.സെപ്തംബർ 30, ഒക്ടോബർ 7 തിയതികളിൽ ആരംഭിക്കുന്ന രണ്ട് ചതുര് ദിന മത്സരങ്ങൾക്കായി പരമ്പര ചെന്നൈയിലേക്ക് മാറും.
ഈ പര്യടനത്തിനുള്ള ഇന്ത്യൻ ടീമിനെ മധ്യപ്രദേശിൻ്റെ സോഹം പട്വർദ്ധൻ നയിക്കും. പേസ് ബൗളിംഗ് ഓൾറൗണ്ടറായ സമിത് ഇപ്പോൾ ബെംഗളൂരുവിൽ നടന്നുകൊണ്ടിരിക്കുന്ന കെഎസ്‌സിഎ മഹാരാജ ടി20 ട്രോഫിയിൽ മൈസൂർ വാരിയേഴ്സിനായി കളിക്കുകയാണ്.
