വിജയ്‌യുടെ തമിഴക വെട്രി കഴകത്തിന് ആശംസകളുമായി രജനീകാന്ത്

രാഷ്ട്രീയ പ്രവേശനത്തിന്റെ ആദ്യഘട്ടമെന്ന നിലയിൽ വിജയ് നടത്തിയ പാർട്ടിയുടെ സംസ്ഥാന സമ്മേളനത്തിന് പിന്തുണയുമായി സൂപ്പർ താരം രജനീകാന്ത്. തമിഴക വെട്രി കഴകം വിക്രവാണ്ടിയിൽ നടത്തിയ ആദ്യ സംസ്ഥാന സമ്മേളനത്തിൽ അതിന്റെ സ്വീകാര്യത എന്ന് രജനീകാന്ത് അഭിപ്രായപ്പെട്ടു.

ഇന്ന് ചെന്നൈയിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. “എല്ലാവർക്കും എന്റെ ദീപാവലി ആശംസകൾ. എല്ലാവരും സന്തോഷത്തോടെയും ആരോഗ്യത്തോടെയും ഇരിക്കട്ടെ. വിജയ്‌യുടെ ആദ്യ സംസ്ഥാന സമ്മേളനം തീർച്ചയായും ഒരു വലിയ വിജയമായിരുന്നു, അദ്ദേഹത്തിന് എന്റെ ആശംസകൾ” – രജനീകാന്ത് പറഞ്ഞു.

ദീപാവലിയുമായി ബന്ധപ്പെട്ട് നടൻ രജനികാന്തിന്റെ ചെന്നൈയിലെ വീടിന് മുന്നിൽ നിരവധി ആരാധകരാണ് തടിച്ചുകൂടിയത്. എല്ലാവര്ക്കും രജനികാന്ത് ദീപാവലി ആശംസകൾ നേരുകയും ചെയ്തു.