ആരാധ്യയുടെ പിറന്നാൾ ആഘോഷമാക്കിയ രാം ഗോപാൽ വർമ

മലയാളിയായ മോഡലും പുതുമുഖ നടിയുമായ ആരാധ്യ ദേവിയുടെ ജന്മദിനം ആഘോഷമാക്കി സംവിധായകൻ രാം ഗോപാൽ വർമ. പുതിയ സിനിമയുടെ അണിയറപ്രവർത്തകരുടെ സാന്നിധ്യത്തിൽ കേക്ക് മുറിച്ച് നടി പിറന്നാൾ ആഘോഷിച്ചു.

സോഷ്യൽ മീഡിയയിലെ ഇൻസ്റ്റാ റീലിലൂടെയാണ് രാം​ ​ഗോപാൽ വർമ്മ ആരാധ്യ ദേവിയെ കണ്ടെത്തുന്നതും സിനിമയിൽ അഭിനയിക്കാൻ അവസരം നൽകുന്നതും. ‘സാരി’ എന്ന സിനിമയിലെ നായിക കൂടിയാണ് ആരാധ്യ. സഹപ്രവർത്തകർക്കൊപ്പം പിറന്നാൾ ആഘോഷിക്കുന്നതിൻ്റെ വീഡിയോ ഇൻസ്റ്റഗ്രാമിലൂടെ ആരാധ്യ പങ്കുവെച്ചു.

‘എന്റെ പിറന്നാൾ മറക്കാൻ പറ്റാത്തതാക്കി മാറ്റിയതിന് റാമിന് നന്ദി’, ആരാധ്യ കുറിച്ചു. രാം ഗോപാൽ വർമയുടെ ഹൈദരാബാദിലെ ഓഫിസിൽ വച്ചായിരുന്നു ആഘോഷം. ജന്മദിന ആഘോഷത്തിൽ നിന്നുള്ള ചിത്രങ്ങൾ രാം ​ഗോപാൽ വർമയും പങ്കുവെച്ചിട്ടുണ്ട്.